Չենք ուզում որևէ մեկն ապօրինի գա ռեկտոր․ Բրյուսովի համալսարանի ուսանող

Բրյուսովի համալսարանի ուսանողներն ու դասխոսական կազմը բոյկոտում են  ԿԳՄՍՆ-ի որոշումը, որով Լեզվի կոմիտեի նախագահ Դավիթ Գյուրջինյանը նշանակվել է Բրյուսովի անվան համալսարանի ռեկտորի պաշտոնակատար:

Հիշեցնենք, որ  դեկտեմբերի 9–ին Վալերի Բրյուսովի անվան պետական համալսարանում ռեկտորի ընտրություն տեղի ունեցավ. գործող ռեկտոր Կարինե Հարությունյանը վերընտրվեց։ Ընտրությանը մասնակցում էին 2 թեկնածու` Կարինե Հարությունյանը և Լեզվի կոմիտեի նախագահ Դավիթ Գյուրջինյանը:

Դեկտեմբերի 22–ին հայտնի դարձավ, որ Պետական վերահսկողության ծառայությունը Վալերի Բրյուսովի անվան պետական համալսարանում մի շարք խախտումներ է հայտնաբերել և տեղեկանքներ ներկայացրել ՀՀ գլխավոր դատախազություն հետագա ընթացքն ապահովելու համար։ Մասնավորապես, ըստ ՊՎԾ–ի, բուհի ռեկտոր Կարինե Հարությունյանն ինքն իրեն հատկացրել էր 5,44 մլն դրամի չափով պարգևատրում և լրավճար։

Մարտի 14-ին արդարադատության նախարար Գրիգոր Մինասյանի հրամանով հաստատվեց բուհի ժամանակավոր խորհրդի կազմը։ Խորհուրդը 3 անդամ ունի՝ ԿԳՄՍ նախարար Ժաննա Անդրեասյանը, արդարադատության նախարարի տեղակալ Արմենուհի Հարությունյանն ու վարչապետի աշխատակազմի ղեկավարի տեղակալ Զարուհի Մաթևոսյանը։

 «Խնդիրն այն է, որ  ռեկտորի ընտրությունները բաժանված է 4 մասի՝ 25,25 ,25 տոկոս , 25 տոկոսը կազմում են ուսանողները, այսինքն ոտնահարելով ուսանողի ձայնի իրավունքը  նոր ռեկտոր են նշանակում, չունենք անձնական խնդիր որևէ մեկի հետ, մեր խնդիրն այն է , որ ապօրինի կերպով չգա ռեկտոր»,-ասաց հաալսարանի ուսանողը։