13-14 օր գտնվես դիրքերում ու փողդ լափեն․ Մանախ

Մի շարք զինվորականներ, հիմնականում կամավորական «Խաչակիրներ» ջոկատի անդամներ, շարունակում են բողոքի ակցիա իրականացնել Կառավարության գլխավոր մասնաշենքի մոտ։ Նրանք դժգոհում են աշխատավարձից, պնդում՝ պետք է լուծեն իրենց բնակարանների խնդիրը։ Հավաքվածների պնդմամբ՝ իրենցից շատերը տարիներ շարունակ խրամատում են, բայց մինչև հիմա տուն չունեն, վարձով են ապրում։

«Փաշօղլին լավ է հասկանում, որ մեր բանակը լավ վիճակում չէ, պատերազմից հետո մեր բանակն ավելի մեծ խնդիրներ ունեցավ, ի՞նչ շարայինի մասին է խոսքը այս պահին։ Այս իշխանությունները խոսում են պրոֆեսիոնալ բանակից, բայց այս ընթացքում ժողովուրդը աչք է փակում նրա վրա, թե ինչ է լինելու բա կամավորականի կարգավիճակը։ Այսօր մենք կամավորականներ ունենք, որոնք նույնիսկ եթե այս օրենսդրական ցենզերից դուրս գտնվեն, նրանք մեկ է փորձառություն ունեցող մարդիկ են։ Մենք այսօր փորձառություն ունեցող մարտիկներ, հրամանատարներ ունենք, որոնք կարող են 90-ականների առաջին կեսերի մեր հաղթանակը նույն ձևով կերտեն։ Այսինքն՝ օրենքով այս մարդկանց դարձնում են օրենքից դուրս, լուսանքից դուրս»,- լրագրողների հետ զրույցում ասաց ինքնապաշտպանական ջոկատի հրամանատար հայտնի Արթուր Այվազյանը, նույն ինքը՝ Մանախը,  որը նույնպես մասնակցում է մեկնարկած բողոքի ակցիային։

Նրա խոսքով   երկիրը պաշտպանելու ու 44-օրյային մասնակցելու համար 303 հոգի միջազգային հետախուզման մեջ են՝  ընդհուպ նախկին 2  նախագահները։

Մանրամասն՝ տեսանյութում։