19 01 2023

Դիրքերի այսպիսի կահավորում նախկինում չի եղել, զինվորների կյանքեր կփրկվեն. Անդրանիկ Քոչարյանը՝ մեկ ամիս առաջ



 

 

«Երեկ Արծրուն Հովհաննիսյանը մի կահավորված փոքր հատված էր դրել դիրքերի, և հասկացողները հասկացան, թե նման կահավորանքի պայմաններում զինվորի կյանքը ինչպես կարելի է փրկել»,- ասում է ԱԺ ՔՊ-ական պատգամավոր, պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ մեկ ամիս առաջ՝ դեկտեմբերի 9-ին, «Ազատության» եթերում։ Անդրանիկ Քոչարյանը դա ասում է արձագանքելով ընդդիմադիր պատգամավոր Տիգրան Աբրահամյանի հայտարարությանը, թե՝ «Այն աստիճան կահավորված չէր առաջնագիծը, որ Ադրբեջանը սեպտեմբերին 2-3 օրում հսկայական տարածքներ է գրավել»։

Անդրանիկ Քոչարյանն ասում է, թե Տիգրան Աբրահամյանին առաջարկել է միասին գնալ դիրքեր ու տեսնել, թե ոնց է կահավորվում։

Այսօր, երբ ահավոր վատ կահավորված զորանոցում 15 զինծառայող զոհվեց, տեղին է հիշել Անդրանիկ Քոչարյանին։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ