Չեմ էլ հավատում, որ Նիկոլ Փաշինյանը հարցաքննվել է. զոհված զինվորների ծնողները ՔԿ-ի մոտ են

44-օրյա պատերազմում զոհված զինվորների ծնողները և հարազատներն այսօր ակցիա են իրականացրել Քննչական կոմիտեի շենքի մոտ: Ծնողներից մեկը լրագրողների հետ զրույցում նշեց, որ չի հավատում, թե Նիկոլ Փաշինյանը հարցաքննվել է ու վստահ է, որ գործը արհեստականորեն ձգձգում են:

«Սեպտեմբերի 21-ին Եռբլուրում տեղի ունեցավ վայրագություն ոստիկանների կողմից՝ Նիկոլի հրահանգով: Դրանից հետո 5 ծնող մարմնական ծնասվածքներ էին ստացել,  և գործը տեղափոխվել էր Քննչական կոմիտե, որպեսզի գործ հարուցեն այն ոստիկանների նկատմամբ, ովքեր բռնի ուժ էին կիրառել ծնողների նկատմամաբ: 37 ծնող տուժող էին ճանաչել, որոնց հերթով կանչում էին հարցաքննության: 20 հոգու կանչելուց հետո, հարցաքնությունը դադարեցվել է: Արդեն երկու ամսի է ձգձգվում է, մեր պահանջն այն է, որ եթե 20 հոգու են հարցաքննել, այդքանի ցուցմունքի հիման վրա գործը հարուցեն»: