Այս գործով հնարավոր չէ առնաձնացնել քաղաքական կոմպոնենտը․ փաստաբանը՝ Գերասիմ Վարդանյանի դեմ գործի մասին

 « Գերասիմ Վարդանյանի դեմ հարուցված քրեական  գործով հնարավոր չէ առնաձնացնել քաղաքական կոմպոնենտը»,-լրագրողների հետ զրույցում հայտարարեց Գերասիմ Վարդանյանի պաշտպան  Բենիկ Գալստյանը։ Փաստաբանը հիշեցրեց, որ գործը հարուցվել է 2020 թվականի նոյեմբերին՝   ինչ- որ տարակուսելի հիմքերով ։

Հիշեցնենք, որ ՀՀ ԱԱԾ քննչական դեպարտամենտում դեռևս 2020թ․ նոյեմբերին հարուցված քրեական գործով ձերբակալվել է դաշնակցական գործիչ Գերասիմ Վարդանյանը։

«Իմ պաշտպանյալը՝  Գերասիմ Վարդանյանը , որի մասին բոլորը տեղյակ են որպես՝  հայրենասեր, հայրենանվեր անձնավորություն ,  ՀՅԴ կարկառուն  ներկայացուցիչ,  ձերբակալում են և մեղադրանք  առաջադրում  նոյեմբերին․  դատարանը  հիմնավոր կասկածի բացակայության հիմքով ազատ  է արձակում, դրանից հետ  մեղադրանքը ոճային փոփոխությունների են  ենթարկում ՝  կրկին կալանավորման  միջնորդություն ներկայացնելով դատարան։ Դատարանը    կրկին միջնրդությունը մերժում է ու դրանից 19 ամիս անց կրկին նույն դեպքով ոճային փոփոխություններ են անում , ըստ էության, մեղադրանքը նույնիսկն թեթևացնում են  ու կրկին  կալանավորման միջնորդություն են ներկայացնում դատարան  ու որոշում են ձերբակալել,  որովհետև,  ըստ  իրենց համոզման, անձը կարող  է չներկայանալ  դատարան»,-ասաց փաստաբանը։

 Նա նաև անդրադարձավ ուշագրավ  փաստի՝  նշելով․

«Սույն գործով քննչական խմբի ղեկավարը հանդիսանում է այն անձը , ով 2018 թվականին  «հեղափոխության» սահմանադրական կարգի խախտման գործընթացներին, Նիկոլ Փաշինյանի կողմից ղեկավարվող,   ուղղակի մասնակցություն է ունեցել, ինչով պայմանավորված գործի քննությունը չի կարող դիտվել  օբյեկտիվ ու անաչառ»,-ասաց Բենիկ Գալստյանը՝  նշելով , բացարկ է հայտարարել սույն գործով  քննիչին։

Մանրամասն՝ տեսանյութում