8 շրջված ծառ, 17 շինությունների վնասում, 29 տանիքների վնասում. Քամու հետքը՝ Երևանում. Լուսանկարներ

Մարտի 24-ից 25-ը Հայաստանի տարածքում գրանցված ուժեղ քամու հետևանքով ԱԻՆ 911 ծառայությունում գրանցված ահազանգերից ՓԾ ստորաբաժանումների կողմից սպասարկվել է 129 դեպք. հիմնականում վնասվել են շինությունների տանիքներ, կոնստրուկցիոն տարրեր, շրջվել են ծառեր և կոտրվել ճյուղեր, ինչպես նաև վնասվել են գովազդային վահանակներ, սյուներ, որոնք խոչընդոտել են երթևեկությունը։

Միայն Երևանում գրանցվել է 54 ահազանգ, որից 8-ը՝ շրջված ծառ (վնասվել է 4 ավտո­մե­քենա, 5 դեպքերում երթևեկությունը խաթարվել է), 17-ը՝ շենք- շինությունների կառուցատարրերի վնասում, 29-ը՝ շենք-շինությունների տանիքների վնասում, 5-ը՝ այլ դեպքեր (ալեհավաք, պաստառ, էլ.սյուն):

Արագածոտնի և Արմավիրի մարզերում գրանցվել է 5 ահազանգ, համապատասխանաբար՝  շենք-շինությունների կառուցատարրերի և շինությունների տանիքների վնասի մասին: 

Արարատի մարզում  գրանցվել է 15 ահազանգ՝ 1-ը՝ շրջված ծառ, 13-ը՝ շենք-շինությունների տանիքների վնասում, 1-ը՝ այլ:

Կոտայքի մարզում ավելի շատ արտակարգ դեպքեր են գրանցվել. 35 ահազանգ՝ 34-ը՝ շենք-շինությունների տանիքների և 1 ավտոմեքենայի վնասում։

Գեղարքունիքի մարզում գրանցվել է 2 ահազանգ՝ շենք- շինությունների տանիքների վնասում:

Լոռու մարզից ստացվել է 3 ահազանգ՝ 2-ը շենք շինությունների տանիքների վնասում, 1-ը՝ այլ:

Շիրակի մարզում գրանցվել է 8 ահազանգ՝ շենք- շինությունների տանիքների վնասում:

Տավուշի մարզում, համաձայն ԱԻՆ-ի, մեկ ահազանգ է եղել՝ շենքի տանիքի վերաբերյալ: