07 03 2022

Ռուս-ուկրաինական բանակցությունների չորրորդ փուլը կանցկացվի առաջիկայում և կրկին Բելառուսի տարածքում

Մոտ ժամանակներս Բելառուսի տարածքում կկայանա ռուս-ուկրաինական բանակցությունների չորրորդ փուլը։ Այս մասին հայտարարել է ռուսական պատվիրակության անդամ, Պետդումայի միջազգային հարցերով հանձնաժողովի ղեկավար Լեոնիդ Սլուցկին բանակցությունների երրորդ փուլի ավարտից հետո։

«Միամտություն կլինի ենթադրել, որ այսօր ինչ-որ բան կստորագրվի, դրանք ծավալուն նյութեր են, իհարկե, այդ փաստաթղթերի վրա աշխատանքները կշարունակվեն շատ մոտ ապագայում։ Այսպիսով, հաջորդ՝ չորրորդ փուլը կանցկացվի Բելառուսի տարածքում` շատ մոտ ապագայում»,- ասել է Սլուցկին։

Նա հավելել է, որ չի կարող հստակ ժամկետ նշել, սակայն «մոտ ժամանակներս կճշտվի»։

Ուկրաինայի հետ բանակցությունները կշարունակվեն, սակայն վերջնական արդյունքն անմիջապես չի ստացվի, կա ծանր հետևողական աշխատանք անելու, ասել է Սլուցկին։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

ռուսուկրաինական պատերազմ | Բելառուս

Դիտել նաև

Քաղաքական 26 03 2024

Մենք Պուտինի հետ մեկ օր չենք քնել․ Ալեքսանդր Լուկաշենկո

Ահաբեկիչները ծրագրում էին Բրյանսկի շրջանով փախչել Բելառուս․ Բելառուսի նախագահը մանրամասներ է հայտնել