Պաշտպանության և անվտանգության հարցերի հանձնաժողովը անգործության է մատնված․ Արթուր Ղազինյան

Քաղաքական մեծամասնությունը որդեգրել է կոշտ դիրքորոշում այս հարցում, հետևաբար մասնակցությունը համարել ենք աննպատակահարմար։ Լրագրողների հետ ասուլիսում ասաց «Հայաստան» խմբակցության պատգամավոր Արթուր Ղազինյանը՝ անդրադառնալով իրենց՝ պաշտպանության և անվտանգության հարցերով մշտական հանձնաժողովի նիստին չմասնակցելուն։

«Արձանագրել է պետք, որ հանձնաժողովը մատնված է անգործության և արդեն 7-րդ նիստն է գումարովում յոթն էլ մեկ օրակարգով, կոնկրետ մեկ հարցով և յոթն էլ արտահերթ։ Հայաստանի պաշտպանության և անվտանգության ոլորտում տիրող տագնապալի կոլապսային իրավիճակը կարծես թե հանձնաժողովին առանձնապես չի մտահոգում։

Մենք փորձեր արեցինք 3-4 անգամ բովանդակային և խորքային ուսումնասիրություն և քննարկում անցկացնել ՀՀ սահմաններին տիրող իրավիճակի, ՀՀ տարածքային ամբողջականության, սահմանների և ինքնիշխանությանը սպառնացող վտանգների և տեղի ունեցած հանցագործությունների ուսումնասիրության նպատոկվ, բոլոր փորձերը մերժվել են»։

Ամբողջականը՝ տեսանյութով։