Այս օրերին ԱԺ նիստի նախագահողը իրավունքի չարաշահում էր թույլ տալիս. Արծվիկ Մինասյան

ԱԺ ամբիոնից Արծվիկ Մինասյանի այսօրվա ելույթի առաջին մասն ԱԺ նիստը վարողներին էր ուղղված՝ մասնավորաբար  նախագահ Ալեն Սիմոնյանին, ով այս օրերին ընդդիմադիր պատգամավորներին հաճախ էր նկատողություններ անում ու հատկապես Նիկոլ բառի համար:

Մինասյանը նախագահության ուշադրությունը հրավիրեց «ԱԺ կանոնակագ»  օրենքի 52 հոդվածի վրա՝ հայտնելով, որ իր կարծիքով այս օրերին ԱԺ  նիստերին որոշակի  իրավունքի չարաշահում է տեղի ունենում, երբ հայտարարվում է նկատողություն այս կամ այն պատգամավորին:

 «Այս հոդվածով չկա նկատողություն տալու կամ նախազգուշացում հայտարարելու իրավասություն և չկա նման կարգապահական  պատասխանատվություն և բացի այդ՝ նման բոլոր խախտումների  դեպքերում սահմանված պատասխանատվության  միջոցը պետք է լինի համաչափ,  հիմնավորված և նպաստի ԱԺ նիստի բնականոն նիստի ընթացքի ապահովմանը:

Մինչդեռ այն, ինչ ներկայացվում է այստեղ հաճախ, րոպես ԱԺ նիստի նախագահողի կողմից, ինձ շատ հիշեցնում է փողոցում ոստիկաների կողմից միանգամից գործողությունը, երբ նա բերման ենթարկելուց հետո ասում է՝ ոստիկանի օրինական պահանջը չկատարելու համար բերման ենթարկեցինք: Սա կարծում եմ՝  հավելյալ քննարկման հարց է և կանոնակարգ օրենքի կիրառման հարցում, առաջարկում եմ պարոն Վարդանյան ապագայի համար օրենբսդարական բարելավման տեսանկյունից նկատի ունենալ»,- ասաց Մինասյանը :

Արծվիկ Մինասյանը նաև դիմեց Պետա-իրավական հարցերի մշտական հանձնաժողովի նախագահի իշխանական թեկնածուին:

«Օրենսդարական կիրառման վերահսկողության մասով բաց կա: ԱԺ Կանոնակարգ օրենքի 122 հոդվածի համաձայն՝ Պետա-իրավական հարցերի  հանձնաժողովի աշխատանքների համար  միջոցառումների ծրագիր է պետք  ունենալ, որպեսզի  նախաքննական, վարչական մարմինները որոնք վարչական ապօրինի  բերման են ենթարկում, օրենսդրական կարգավորումներով նորից խնդիր ունեն օրենսդրական վերահսկողության կիրառման հետ: Սրանք այն ոլորտներն են որոնք ձեր իրավասության ներքո են , բայց էս մասով զրո արձագանք, զրո գործակից ունենք, Ձեր աշխատանքը տեսանելի չէ:

Հնչեղություն ստացած քաղաքական հարցերը , որոնք փաթեթավորվում են իրավական կեղծ ձևակերպումներով և ներկայացվում են իբրև արդարադատություն կամ օրենքի գերակայություն, դրանք իրկանում ոչ մի աղերս չունեն ո՛չ իրավունքի գերակայության, ո՛չ օրենքի առաջ իրավահավասարության արդարադատության իրավական սկզբունքի հետ:  Եվ այսքանից հետո կարծում եմ՝ ճիշտ չէ ակնկալել՝ որ դրական արձագանք պետք է ունենաք»: