Նորմալ երևույթ չէ, որ քրեական գործով մարդիկ սկսում են հպարտանալ․ այսպես չպետք է լինի․ Ռոբերտ Քոչարյան

Հետաքրքիր բան կատարվեց երկրում։ Նորմալ երևույթ չէ, որ քրեական գործով մարդիկ սկսում են հպարտանալ։ Այսպես չպետք է լինի։ Այս մասին աջակիցների հետ հանդիպմանն ասաց ՀՀ երկրորդ նախագահ Ռոբերտ Քոչարյանը։

«Երկրում գյուղապետ չկա, որի վրա մի երկու-երեք քրգործ հարուցված չլինի, քաղաքապետ կա, որի վրա 28 քրեական գործ կա և այդ քրեական գործը հարուցվելուց հետո կան դեպքեր, երբ մոտ երկու տարի որևէ քննչական գործողություն չի արվում։ Պատկերացնում եք չէ՞, քրեական գործը հարուցվում է և ուղղակի թողած։ Երբ պետք է այդ գյուղապետին ինչ-որ բան հասկացնել, միանգամից ասում են՝ դու հիշում ես քրեական գործ կար»։

Ռոբերտ Քոչարյանի խոսքով, նորմալ չէ, երբ նույնիսկ օրինապաշտ քաղաքացին ինչ-որ ժամանակի մեջ այնպես է հարմարվում այդ քրեական գործին, որ սկսելու է այլ կերպ նայել․ «քրեական գործ է էլի, հիմա ի՞նչ է եղել»։

«Մենք այս  իշխանությանը հրաժեշտ տալուց հետո պետք է անենք ամեն ինչ, որ վերադառնա մեր երկրում այն վերաբերմունքը, որ լավ չի քրեական գործի տակ լինել»,- նշեց Երկրորդ նախագահը։

Մանրամասն՝ տեսանյութում։