30 01 2021

Հայոց պետականության վերջի սկիզբը․ Խոսրով Հարությունյանի գրառումը

ՀՀ նախկին վարչապետ Խոսրով Հարությունյանն իր ֆեյսբուքյան էջում գրել է․

«Վերջին երկուս և կես տարվա հայաստանյան իշխանությունը պատմության մեջ կմնա որպես ամենաանհաջող և բոլոր առումներով ամենաձախողված իշխանություն:

Ներքաղաքական դիսկուրսում գործող իշխանությունը հաճախ բնութագրվում է որպես պոպուլիստ, օխլոկրատիա (օխլոսի իշխանություն), գավառական ավտոկրատիա, ոչ կոմպետենտ և այլ քաղաքագիտական տերմիններով:

Բայց եթե իշխանությունների նման բնութագրումը միանգամայն համապատասխանում էր մինչպատերազմյան իրականությանը, ապա իշխանությունների գործողությունները պատերազմի ընթացքում և հետպատերազմյան ժամանակահատվածում գաղտնազերծեցին, իսկ ավելի ճիշտ, մերկացրեցին նրանց ազգային, քաղաքական և բարոյական իրական էությունը և հանրային դիսկուրսն հեղեղվեց նրանց այդ էությունն էլ ավելի դիպուկ բնութագրող որակումներով՝ ազգադավ, դավաճան, անհայրենիք, թուրքամետ, հողատու, մարդասպան և այլն:

Ընդ որում իշխանությունների այս որակումները հնչեցնում է ոչ միայն ընդիմությունը, այլ հայության ճնշող մեծանասնությունը՝ թե՛ Հայաստանում, թե՛ Արցախում և թե աշխարհի տարբեր անկյուններում:

Այսինքն այսօր մենք ունենք ոչ միայն ամենաձախողված, այլև ամենատապալված և ամեն ինչ տապալած իշխանություն և կառավարման համակարգ:

Քաղաքագիտությունը տվել է այդպիսի իշխանության և կառավարման համակարգի դիպուկ բնութագրումը: Այդպիսի իշխանությունը քաղաքագիտորեն կոչվում է ՔԱՔԻՍՏՈԿՐԱՏԻԱ:

Սույն տերմինի ծակումնաբանությունը սերում է հունարեն ‹‹վատագույն›› կամ ‹‹որևէ բանի համար ոչ պիտանի›› հասկացությունից և նշանակում է կառավարման համակարգ, որը հայտնվել է վատագույն, ցածրագույն որակավորում ունեցող և սարսափելի անբարեխիղճ մարդկանց ձեռքում:

Դժվար չէ նկատել, որ հայերենով ‹‹քաքիստոկրատիա›› տերմինի արմատը կենցաղում լայն կիրառություն ունեցող ‹‹քաք›› (կեղտ, արտաթորանք) բառն է և հանրային լայն ընկալումների առումով թարկմանաբար այդ տերմինը կարող է մեկնաբանվել որպես ‹‹կեղտի կամ անպետքի իշխանություն››:

Եվ թեպետ նշված մեկնաբանությունը միանգամայն բնութագրական է օրվա իշխանություններին, այդուհանդերձ լիարժեք չի արտացոլում նրանց կործանարար բնույթը:

Բանն այն է, որ ժամանակակից քաղաքագիտական դիսկուրսում քաքիստոկրատիայի հասկացողության հետ խիստ կապակցված օգտագործվում է նաև ‹‹մերիտոցիդ›› հասկացությունը, որը նշանակում է ‹‹հանրության կարող ուժերը վերացնող››: Այսինքն քաքիստոկրատ իշխանությանը, մինչ իրեն ստեղծած ամեն ինչը տապալելուց զատ, բնորոշ է նաև սեփական հասարակության լավագույն և ունակ ուժերին վերացնելու նպատակաուղված գործունեությունը:

Կարծում եմ վիճելի չէ այն, որ վերջին երկուս և կես տարիներին մենք՝ մեզանում ամեն լավագույնը և օգտակարարը իսպառ վերացնելու կամ ապականելու գործողությունների ականատեսն ենք:

Ուստի առանց վարանելու կարող ենք փաստել, որ այսօր Հայաստանում պետության ղեկին է հայտնվել ոչ միայն քաքիստոկրատ՝ անպետք, այլև մերիտոցիդ՝ լավագույնն ու արժանին կործանող ապազգային ուժը:

Եվ եթե այս պարզ իրողությունները մեր ազգային ընտրանին չգիտակցի և չբռունցքվի օրվա իշխանությանը մերժելու և վռնդելու գործում, ապա դա կլինի Հայոց Պետականության վերջի սկիզբը»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

պետականություն | Խոսրով Հարությունյան

Դիտել նաև

Քաղաքական 02 05 2024

Նիկոլ Փաշինյանը վստահ չէ, որ կարող է պահպանել ՀՀ պետականությունը

«Եթե մենք առաջիկա տարիներին կարողանանք պահպանել մեր պետականությունը, ինքնիշխանությունը․․․»․ Փաշինյանը կասկածում է, որ իր օրոք Հայաստանը կպահպանի անկախությունը

Քաղաքական 01 05 2024

Ինչու՞ է վարչապետը կամ Մհեր Գրիգորյանը անտեսում խնդրի լուծման այս հնարավորությունը. Խոսրով Հարությունյան

Պետք առաջնորդվել ոչ թե Ալմա Աթիի Հռչակագրով, այլ ԵԱՀԿ Քարտուղարության փաստաթղթով. նախկին վարչապետ

Սկզբունքայնություն՝ ըստ ՔՊ-ի 29 04 2024

«Բացառված է այդպիսի բան»․ Այս ելույթի ժամանակ Արցախը դեռ չէր հանձնել

Փաշինյան-2018․ բացառվում է՝ որևէ մեկը հույս ունենա, որ Ղարաբաղի հարցը կարող է լուծվել Ղարաբաղի և Հայաստանի ժողովրդի շահերին չհամապատասխանող կերպով

Քաղաքական 31 01 2024

Պետականությունից շեղվելու մտադրություն ունեցողին, ցավոք, ոչ մի անվանում չի խանգարի. Գևորգ Դանիելյան

Պետք չէ իբր պետականությունից շեղվելու հնարավոր պատճառը փնտրել դարեր շարունակ փորձություն անցած և համընդհանուր ընդունելության արժանացած անվանումների մեջ․ Իրավաբանական գիտությունների դոկտոր

Քաղաքական 29 01 2024

Պետականության կործանումն ու Փաշինյանի պատմական դեմենցիան. Հրանտ Բագրատյանի գրառումը

Արևմուտքն ուզում է այնպիսի լուծում, որի դեպքում ՌԴ-ն, ինչպես նաև Իրանը տարածաշրջանում այլևս անելիք չեն ունենա. նախկին վարչապետ

Քաղաքական 09 10 2023

Հարցեր, որոնց կառավարությունը պարտավոր է պատասխանել. Խոսրով Հարությունյան

Ինչո՞ւ Փաշինյանը մեկնեց Գրանադա, ինչո՞ւ Հայաստանը չի հայտարարում այդ բանակցություններից դուրս գալու մասին. ՀՀ նախկին վարչապետ