30 01 2021

Հերիք է՝ ժողովրդին խաբես, աներես սուտասան․ օգտատերերը հայհոյում են Փաշինյանին

Հերիք է՝ ժողովրդին խաբես, աներես սուտասան․ օգտատերերը հայհոյում են Փաշինյանին

Նիկոլ Փաշինյանը, ֆեյսբուքյան ուղիղ եթերում խոսելով Շուշի քաղաքի մասին, նշեց, որ ԱԺ-ում արած իր հայտնի հայտարարությունը Շուշիի կարգավիճակի,  ոչ թե ծագումնաբանության մասին էր, մենք պատմական հարց չենք քննարկել, թե Շուշին ով է հիմնադրել, ովքեր են ապրել Շուշիում 20-րդ դարի սկզբին: 

Հիշեցնենք, որ Հայաստանի Հանրապետության ԶՈՒ կազմավորման տոնին Եռաբլուրում, ի պատասխան լրագրողներ հարցին, թե արդյոք Շուշին ադրբեջանակա՞ն է համարում, ինչի մասին նա հայտարարել է Ազգային ժողովում, Նիկոլ Փաշինյանն ասել էր. «Իմ մեջբերումը թղթի վրա կբերեք Դուք անձամբ, որ ես ասել եմ, թե Շուշին ադրբեջանական է, և ուղիղ եթերում ես Ձեզ կպատասխանեմ»:

 

««Այսինքն՝ հայկակա՞ն է իր այդ կարգավիճակով» արտահայտությամբ ես պատասխանել եմ պատգամավորի՝ «Շուշին մնալով մեր վերահսկողության ներքո՝ պատերազմը կանգնեցնելու պայմանով» հարցին: Ուրեմն ինչի մասին է խոսքը. դուք գիտեք, որ պատերազմի ընթացքում եղել է պատերազմը կանգնեցնելու տարբերակների մասին խոսակցություն, և ադրբեջանական կողմը պայման է առաջադրել՝ ադրբեջանցի փախստականների վերադարձը Շուշի քաղաք, ըստ էության, խոսքը վերաբերում էր 92 թվականի ժողովրդագրական ստատուս-քվոն վերականգնելու հնարավորության մասին: Այսինքն՝ երբ մենք համաձայնել էին պատերազմը կանգնեցնել, առաջ եկավ նոր պայման, այդ նոր պայմանն այն է, որ Շուշի պետք է վերադառնային Ադրբեջանի փախստականները՝ համաձայն 1992 թվականի գոյություն ունեցած ստատուս-քվոյի»,-մեկնաբանեց նա:

Վարչապետի մեկնաբանությունը, սակայն, բազմաթիվ օգտատերերի չի գոհացրել։ Ֆեյսբուքյան լայվը հեղեղված է բազմաթիվ քաղաքացիիների բացասական մեկնաբանություններով, քննադատություններով և վիրավորանքներով։ Օգտատերերը Փաշինյանին մեղադրում են կրկին ստելու, դավաճան լինելու և հողերը վաճառելու մեջ, հորդորում են լռել և այլևս ուղիղ եթեր չմտնել։ Ներկայացնում ենք նմանօրինակ բազմաթիվ մեկնաբանություններից մի քանիսը։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ