25 01 2021

Լավրովը և Բորելը կքննարկեն իրավիճակը Ղարաբաղում

Լավրովը և Բորելը կքննարկեն իրավիճակը Ղարաբաղում

ՌԴ ԱԳՆ ղեկավար Սերգեյ Լավրովը եւ ԵՄ արտաքին գործերի եւ անվտանգության քաղաքականության հարցերով բարձրագույն ներկայացուցիչ Ժոզեպ Բորելը փետրվարի 5-ին Մոսկվայում կքննարկեն իրավիճակը Լեռնային Ղարաբաղում: «Հանդիպման ընթացքում կկայանա խնդիրների ողջ համալիրի եւ Ռուսաստան-ԵՄ հարաբերությունների հեռանկարների շուրջ քննարկում: Նախատեսված է նաեւ կարծիքների փոխանակում միջազգային օրակարգի արդիական հարցերի շուրջ, ներառյալ՝ իրավիճակը Արեւմտյան Բալկաններում, Մերձավոր Արեւելքում եւ Հյուսիսային Աֆրիկայում, ԱՊՀ տարածքում:

Կքննարկվեն նաեւ Իրանի միջուկային ծրագրի շուրջ իրավիճակի կարգավորման հարցով Գործողությունների համատեղ համապարփակ ծրագրի իրականացումը, Լեռնային Ղարաբաղում իրավիճակի հետագա կայունացումը, Եվրոպայում անվտանգության հարցերն ու այլ թեմաներ, որոնք փոխադարձ հետաքրքրություն են ներկայացնում»,-ասվում է ՌԴ ԱԳՆ-ի հայտարարության մեջ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ