Ղարաբաղում ռուսական ռազմաբազայի ստեղծումը կնպաստի այնտեղ կայունության ամրապնդմանը. Դավիթ Բաբայան

Լեռնային Ղարաբաղում ռուսական ռազմաբազայի ստեղծումը կնպաստեր երկարաժամկետ հեռանկարում ԼՂ տարածքում անվտանգության և կայունության ամրապնդմանը: Այս մասին РИА Новости-ի  հետ զրույցում ասել է  ԼՂՀ  նախագահի արտաքին քաղաքականության հարցերով խորհրդական Դավիթ Բաբայանը:

«Որպես այս երկրի փորձագետ, քաղաքացի և քաղաքական գործիչ՝ գտնում եմ, որ այստեղ ՌԴ ռազմաբազա ունենալը շատ լավ կլիներ: Ինքներդ դատեք. Ռուսաստանը շատ հզոր աշխարհաքաղաքական ներուժ ունի, և ի՞նչ կլինի, եթե Թուրքիան Ադրբեջանին ագրեսիայի դրդի, իսկ եթե գորհայինները դուրս գան Թուրքիայի ենթակայությունից և որոշեն այստեղ ինչ-որ բան անել: Այդ դեպքում նրանք կարող են միտումնավոր փորձել հարվածել Ռուսաստանի հեղինակությանը, էլ չեմ խոսում անվտանգության տեսանկյունից մեզ շատ վատ իրավիճակում դնելու մասին»,-ասել է Բաբայանը:

Նա նաև նշել է, որ Ղարաբաղում ՌԴ խաղաղապահ ատաքելության ընդլայնումը դրական քայլ կլիներ՝ հավելելով, թե՝ որքաով բավարար կլինի խաղաղապահների ներկայիս քանակը ռազմական տեսանկյունից, ցույց կտա ժամանակը:

Ըստ Բաբայանի՝ խաղաղապահների ներկայությունն ունի նաև քաղաքական բաղադրիչ. այն կարող է զսպող գործիք, ինչպես  Գյումրիում տեղակայված ռուսական ռազմաբազան Թուրքիայի համար: