Փաշինյանը ինձ և Օսիպյանին ասաց՝ ես ուզում եմ տեսնել արյան գետեր, սատկացրեք բոլորին. Վանեցյան

Ազատության հրապարակում «Հայրենիք» կուսակցության նախագահ Արթուր Վանեցյանն անդրադարձավ նախօրեին ցուցարարներին ուժով բերման ենթարկելու գործողություններին՝ նշելով. «Թե ովքեր էին այդ անհայտ ծագման համազգեստով տղաները, դա մի օր անպայման կպարզենք»:

Նա նաև մի պատմություն պատնեց. «Ինչու է Նիկոլ Փաշինյանը ուժ կիրառում խաղաղ ակիա անող ժողովրդի դեմ, որովհետեւ ինքը չի սիրում մեր ժողովրդին, նա քրոնիկ սուտասան է: Կհիշեք երեւի, 2 տարի առաջ Իջեւանում եղան բողոքի ակցիաներ անտռից փայտ կտրողների բողոքի ակցիաները: Ես այն ժամանակ ԱԱԾ տնօրենն էի, հայտնվեցի այնտեղ: Շատ տրմաբանական հարց առաջացավ, թե ինչ գործ ունի ԱԱԾ տնօրենն Իջեւանում, ցուցարարների մեջ» Շատ պարզ պատճառ կա. Նիկոլ Փաշինյանը տեսնելով, որ մարդկանց մի մեծ զանգված դուրս է եկել փողոց ու բողոքում է, ընկավ հերթական հիստերիկ նոպայի մեջ, զանգահարեց ինձ, իմ ընկերոջը՝ այն ժամանակվա ոստիկանապետ Վալերի Օսիպյանին եւ ասաց՝ ես ուզում եմ տեսնել արյան գետեր, սատկացրեք բոլորին:

 Այ հիմա ես ուզում եմ ասել, որ երբ Նիկոլ Փաշինյանն ասում է՝ սիրում եմ բոլորիդ, խոնարհվում եմ բոլորիդ առջեւ, նա սուտ է ասում, նա ատում է բոլորիդ: Նա սիրում է միայն իրր պաշտոնը եւ  իր բոլոր քայլերը միտված են իր իշխանությունը պահելուն: Այս պատմությունը վկայում է այն մասին, թե ինչու են ոստիկանները բիրտ ուժ կիրառում: Այդքան հեշտ չէ վարչապետի պաշտոնը զբաղեցնող անձին ասել՝ չեմ կարատում քո ապօրինի հրամանները»: