Հուսով ենք՝ ԼՂ հարցում կհաջողվի հասնել արդյունքների, որոնք ընդունելի կլինեն բոլոր կողմերի համար. Պուտին

ՌԴ նախագահ Վլադիմիր Պուտինը այսօր կրոնական միավորումների ներկայացուչիչների հետ հանդիպման ժամանակ անդրադարձել է նաև  Ղարաբաղում պատերազմական իրավիճակին, փոխանցում է РИА Новости-ն:

Նա նշել է, որ ՌԴ-ն անում է իրենց կախված ամեն բան՝ Հարավային Կովկասում հակամարտությունը հնարավորինս արագ կարգավորելու համար:

«Որպեսզի փրկենք այն մարդկանց կյանքերը, ովքեր կանգնած են դեմ դիմաց և, ցավոք, միմյանց տեսնում են՝ ինքնաձիգների նշանառության տակ պահած: Եվ զենք կիրառում միմյանց դեմ, որպեսզի հասնեն նպատակների, որոնց, մեր խորին համոզմամբ, կարելի էր հասնել խաղաղ բանակցային գործընթացի արդյունքում»,- նշել է նա:

Ըստ Պուտինի՝ Մոսկվան շարունակում է շփումները Հայաստանի և Ադրբեջանի հետ և հույս ունի, որ կհաջողվի հասնել արդյունքների, որոնք ընդունելի կլինեն տարածաշրջանում բնակվող բոլոր մարդկանց համար:

«Ընդ որում՝ հասնել դրան խաղաղ միջոցներով»,- ընդգծել է ՌԴ նախագահը: