ՀՀ-ՌԴ հարաբերությունների դեմ պայքարողները դառնում են դավաճան․ Մենուա Հարությունյան

Քաղաքական մեկնաբան Մենուա Հարությունյանը գրում է․

«Քանի որ հայ-ռուսական հարաբերությունների, առավել ևս Հայաստանում ռուսական ռազմաբազայի թեման մեր պետության անվտանգության ամենակարևոր հարցն է, խնդրում և պահանջում են Հայաստանից դուրս ապրող մեր հայրենակիցներին այս հարցի մասին չխոսել, լուռ մնալ…

Եթե դուք ձեր երեխաների ապագան կապել եք այլ պետությունների հետ, դուք իրավունք չունեք Հայաստանում ապրողներիս երեխաների ապագան դնել վտանգի տակ, քանզի եթե վաղը Հայաստանը միայնակ մնա գիշատիչ թուրքերի դեմ, Հայաստանում ապրողներս ու մեր երեխաներն ենք ուղղակի հայտնվելու կյանքի ու մահվան առաջ, իսկ դուք շարունակելու եք օտարության մեջ լավագույն դեպքում սգալ և ողբալ …

Իսկ Ռուսաստանում ապրող մեր հայրենակիցներին խորհուրդ եմ տալիս համացանցում այլևս չգովաբանել, չփառաբանել հայ-ռուսական հարաբերությունները փչացնող նիկոլներին, քանզի էդ հարաբերությունների վատթարացումը Ռուսաստանում ձեր կյանքն անտանելի է դարձնելու, իսկ Հայաստանում ապողներիս մասին էլ չեմ էլ ուզում խոսել…

Մի խոսքով հայ-ռուսական հարաբերությունների վատթարացման համար պայքարում են թուրքերը, ադրբեջանցիները, սորոսները և բոլոր այն հայերը, ովքեր ևս պայքարում են Հայաստանի անվտանգության ու բարեկեցության կարևորագույն հենասյունի՝ հայ-ռուսական հարաբերությունների դեմ ակամայից կամ գիտակցված դառնում են Թուրքիայի շահերի սպասարկու, այսինքն Հայաստանի թշնամի կամ պետական դավաճան…»։