25 04 2020

ՌԴ-ն պատժամիջոցներ է պատրաստում ՀՀ մի շարք դատավորների նկատմամբ․ Politik.am

ՌԴ-ն պատժամիջոցներ է պատրաստում ՀՀ մի շարք դատավորների նկատմամբ․ Politik.am

Politik.am-ը գրում է․ «Ռուսաստանի իշխանություններին մոտ կանգնած մեր աղբյուրները տեղեկացնում են, որ այդ երկրի իշխանությունները որոշել են պատժամիջոցներ գործադրել Հայաստանի այն դատավորների նկատմամբ, որոնք ներգրավված են քաղաքական աստառ ունեցող դատավարություններում։

Ըստ մեր աղբյուրի, ռուս իրավապահների ուշադրության կենտրոնում են հայտնվելու պատժամիջոցների տակ հայտնված դատավորների ֆինանսական շարժը, որը կապված է Ռուսաստանի հետ։ Հնարավոր է համարվում, որ նման փոխանցումները սառեցվեն և պատժամիջոցներ կիրառվեն նաև նման դատավորիների գյուքի նկատմամբ, որը գտնվում է ՌԴ տարածում։ Կարգելվի նաև նրանց մուտքը ՌԴ տարածք։

Հիշեցնենք, որ նման պրակտիկա կա նաև Արևմուտքում։ Եվրոպական շատ երկրներ կամ ԱՄՆ-ն հաճախ են պատժամիջոցներ գործածում այն դատավորների, քաղաքական գործիչների նկատմամբ, որոնք հակաիրավական գործողությունների մասնակից են։

Հիշեցնենք, որ տարիներ առաջ Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը դիմել էր ԱՄՆ իշխանություններին, որպեսզի դատավոր Արթուր Մկրտչյանին արգելվի մուտք գործել այդ երկրի տարածք։

Մեր աղբյուրների փոխանցմամբ այս պահին ՌԴ իշխանությունների կողմից կազմված ցուցակում երկու տասնյակի չափ Հայաստանի դատավորներ են ներառված։ Այդ դատավորների թվում են Արտուշ Գաբրիելյանը, Արմեն Դանիելյանը և Աննա Դանիբեկյանը։

Ի դեպ, Արցախի Հանրապետությունում նախագահական ընտրություններից առաջ տեղեկություն հրապարակվեց և փաստաթղթով հիմնավորվեց, որ ՌԴ-ն պատժամիջոց է կիրառել Արցախի Հանրապետության նախագահի թեկնածու Մասիս Մայիլյանի և ընտրություններում նրան սատարող Սամվել Բաբայանի նկատմամբ՝ 5 տարով արգելափակելով նրանց մուտքը ՌԴ:
 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ