16 01 2020

Թևան Պողոսյանը Արցախում ընտրական գործընթացների մեկնարկին թեկնածուներին առաջարկներ է ներկայացրել

«Մարդկային զարգացման միջազգային կենտրոն» ՀԿ նախագահ Թևան Պողոսյանը, ֆեյսբուքյան իր էջում գրառում է կատարել՝ հրապարակային առաջարկներ ներկայացնելով Արցախի Հանրապետությունում սպասվող ընտրական գործընթացների մեկնարկին։

Նա խորհուրդ է տվել քննարկել, ինքնակազմակերպվել, իրականացնել ու ապացուցել, որ գիտենք իրար հետ ապրել, գիտենք միմյանց հոգս ու ցավ կիսել, մենք գիտենք իրար պաշտպանել և միասնական լինել։

«Որո՞նք են մեր առաջնահերթությունները՝ որպես սեփական ինքնություն ունեցող հանրույթ: Մեր հավատքը, մեր դպրոցը, մեր առողջությունն ու մեր անվտանգությունը: Ուստի, փորձենք խորհրդանշական մի քանի գործողությամբ սկսել և ամփոփել նախընտրական քարոզարշավը՝ ի ցույց դնելով մեր միասնականությունը այդ գործողություններում, իսկ խնդիրներին արձագանքելու մոտեցումների տարբերությունները քննարկել դրանց արանքում»,- գրել է Թևան Պողոսյանը:

Նա առաջարկել է, որ Արցախի նախագահի թեկնածուների նախընտրական քարոզարշավի առաջին օրը միասին սկսել Դադիվանքում՝ պատի ամրացման համար համատեղ աշխատանքով և սիմվոլիկ, հավասարաչափ նվիրատվությամբ.

Առաջարկել է նաև մեկ շաբաթ անց միասին այցելել որևէ կրթական օջախ, հանդիպել աշխատակիցներին և սովորողներին, համատեղ օգնել վերանորոգման որևէ աշխատանքին և սիմվոլիկ և հավասարաչափ նվիրատվություն կատարել հետագա աշխատանքների համար, քանի որ «մեր միասնությունը որակյալ ԿՐԹՈՒԹՅՈՒՆՈՒՄ է»։

Թևան Պողոսյանի երրորդ առաջարկն է՝ բոլոր թեկնածուներով այցելել նաև առողջապահական որևէ հաստատություն, քանի որ «մեր միասնությունը մեր ՀՈԳԱՏԱՐՈՒԹՅԱՆ մեջ է»։

«Քարոզարշավի վերջին օրը բոլոր թեկնածուները կամ կուսակցությունների ղեկավարները միասին այցելում են որևէ զորամաս.

Մեր միասնությունը մեր ԱՆՎՏԱՆԳՈՒԹՅՈՒՆՆ է։

Միասնական այց Արցախի Հանրապետության որևէ զորամաս և միասնական աշխատանք որևէ կառույցի ամրապնդման գործում կամ սպասարկում խոհանոցում։

Ընդամենը 4000 դրամ սիմվոլիկ նվիրատվություն որևէ հիմնադրամի, որն զբաղվում է զինծառայողների խնդիրներով»,- գրել է Թևան Պողոսյանը:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Մարդկային զարգացման միջազգային կենտրոն | Թևան Պողոսյան | Արցախի Հանրապետություն | Դադիվանք

Դիտել նաև

Հասարակություն 16 04 2024

Ռուս խաղաղապահները հեռացել են Ադրբեջանի կողմից օկուպացված Դադիվանքից

Ապրիլի 15-ից վանքը գտնվում է Ադրբեջանի ոստիկանության պաշտպանության ներքո

Հասարակություն 29 11 2023

Դադիվանքի նախկին վանահայր Տեր Հովհաննեսը հոգևոր ծառայության կանցնի Եռաբլուրի եկեղեցում

Եռաբլուրը սրբավայր է, բոլորը պիտի ընդունեն դա. մեր տղաների մասունքներն են այնտեղ։ Ես խոնարհաբար պիտի ծառայեմ այնտեղ. Տեր Հովհաննես

Մամուլի տեսություն 23 11 2023

Սա պայքարի խաչմերուկ է, ոչ թե խաղաղության. Թևան Պողոսյան․ «Փաստ»

Խաղաղությունը երբևէ օդից չի ընկնում, այն պարտադրվում է: Եթե չունես ինչ-որ բան պարտադրելու, էլ ի՞նչ խաղաղության մասին ես խոսում

Քաղաքական 01 11 2023

Արցախի Հանրապետությունը չի կարող լուծարվել. կգա դեկտեմբեր ամիսը՝ կտեսնենք. Արա Զոհրաբյան

Շահրամանյանը կարող է մեկ այլ իրավական ակտով անվավեր ճանաչել իր ստորագրած թուղթը. Արա Զոհրաբյան

Հասարակություն 16 10 2023

Միակ մխիթարությունս այն է, որ վանքը թշնամուն չեմ հանձնել.Դադիվանքի հոգևոր սպասավոր. «Փաստինֆո»

Ռուսական խաղաղապահ զորամիավորման ջանքերով էր, որ Դադիվանքը մնաց ու հայկական պահպանվեց

Քաղաքական 02 09 2023

Հայրենիքի յուրաքանչյուր միլիմետր չի կարող մի հոգի տնօրինել, դա պետք է մենք որոշենք. Թևան Պողոսյան

Արցախը այսօր միայն արցախցու խնդիրը չէ, Արցախը այսօր 10 միլիոն հայի խնդիրն է. հանրային գործիչ