14  12  2019

Ադրբեջանը կարմիր գծերը քաշել և դիրքավորվել է․ Անժելա Էլիբեկովա

Ադրբեջանը կարմիր գծերը քաշել և դիրքավորվել է․ Անժելա Էլիբեկովա

Ադրբեջանի հարցերով փորձագետ Անժելա Էլիբեկովան գրում է․

Մամեդյարովի՝ CBC-ին տված հարցազրույցում մի քանի հետաքրքիր թեզ կա՝

1. շատ վաղուց չէր խոսել պատերազմական լուծման մասին, էս անգամ շատ հանգիստ ասեց՝ դե հա, պատերազմը ու բանակցությունները զուգահեռ կարան և լինեն, պրիչոմ մի քանի անգամ ակնկարկելով՝ սպառնաց,

2. Լավրովի պլանի մասին խոսեց, էս մասով կուզեմ տեսնել ԱԳՆ պարզաբանումը, որ չկա սեղանին դրված նման փաստաթուղթ,

3. անվտանգության մասին ևս մեկ անգամ խոսեց՝ կապելով դա խաղաղապահների ու փախստականների անվտանգ վերադարձի հետ։ Դա իրենց տեսլականն է, առաջարկեց մերն էլ ասվի, և այո՛, մեր տեսլականը անվտանգության մասով հստակ պետք է ներկայացվի,

4. ընդհանուր դժգոհ է բանակցություններից, դա զգացվում է։ Անընդհատ խոսում է հայ հասարակության էմոցիոնալ վերաբերմունքի մասին և դա շատ լավ է, որ հասկանում են՝ ինչքան զգայուն է էդ թեման մեր համար ու ինչքան ֆոկուսացված ենք հայանպաստ լուծման վրա մենք՝ հասարակությունը,

5. առաջ է բրդում Ղարաբաղի երկու համայնքների շփման թեման ու էս մասով հստակ պիտի բացատրվի՝ ինչի է էդ ձևակերպումը և ֆորմատը անընդունելի մեր համար,

6. պնդում է, որ այնուամենայնիվ ո՛չ հանդիպումներ են, ո՛չ կոնսուլտացիաներ, այլ՝ բանակցություններ, և դա պարտադրում են Մինսկի խմբի համանախագահները։ Էս մասով էլ կուզեի լսել պաշտոնական արձագանք,

7. լրագրողների այցի վերաբերյալ փորձում է սվաղի Արցախի մասնակցությունը, բայց շատ խնդալու է էդ մերժողականությունը, եթե էդ ձևաչափին համաձայնվել եք, էլ խռխռալը ո՞րս է

8. կարմիր գծերը քաշել է Ադրբեջանը ու դիրքավորվել է՝ փորձելով մեզ ներկայացնել որպես դեստրուկտիվ կողմ։ Ստեղ շատ լուրջ, համապարփակ մեկնաբանության խնդիր կա մեր կողմից՝ բոլոր հակափաստարկները ներկայացնելով»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ