Այսպես ծնվեց ֆաշիզմը․ Zham.am

Zham.am-ը գրում է․ «Հիշում եք՝  հայտնի խորհրդային կինոռեժիսոր Միխայիլ Ռոմիի ոչ պակաս հայտնի «Սովորական ֆաշիզմ» փաստավավերագրական  ֆիլմերի շարքը, որտեղ նա ցցուն ներկայացնում էր, թե ինչպես Գերմանիայում ծնվեց ֆաշիզմը:

Մարդկանց գանգուղեղների չափագրումների արդյունքում նույնիսկ հետևություն էին անում, թե սա «արիացու» գանգ է, թե՝ ոչ :

Սկզբում  նույնիսկ ծիծաղելի էր թվում, սակայն պարզվեց, որ այդ «մտավարժանքներն» իրենց ազդեցությունը թողեցին սկզբից գերմանական հանրության ամենաթերզարգացած մասի վրա, որից հետո դրանով վարակվեց ողջ ժողովուրդը: Թե ինչ հետևանք ունեցավ այս ամենը Գերմանիայի վրա, կարծում ենք ավելորդ է հիշեցնել: Այդ երկիրը ընդմիշտ կորցրեց իր տարածքների զգալի մասը /Քյոնիգսբերգը, Սելեզիան և այլն/, իսկ մարդկային  կորուստները պարզապես անգնահատելի էին:

Պետք է նշել, որ սկզբից Հիտլերին ոչ ոք լուրջ չէր վերաբերվում: Նա համարվում էր շարքային պոպուլիստ ու դուրսպրծուկ: Այդ հետո այդ պոպուլիստը մեծ աղետ բերեց գերմանացիներին և ողջ աշխարհին:

(Դիտել 33:38 - կետից)

Այսօր բառիս բուն իմաստով  նույնը կատարվում է նաև Հայաստանում: Մի շարքային պոպուլիստ ու դուրսպրծուկ  մեծ աղետի մեջ է  գցելու Հայաստանն ու տարածաշրջանը, բայց մինչ այդ նա փորձելու  է Հայաստանում կրկնել Հիտլերի բոլոր քայլերը:

Այս տեսանյութերում կարելի է տեսնել  բառիս բուն իմաստով նույն վարքագծերը, սակայն նրանց իրավական հետևանքները տարբեր են: Ինչպես «Սովորական ֆաշիզմում», այստեղ էլ  մարդիկ բաժանված են «մերոնքականների» և «ձերոնքականների»:

Այն, որ Հայաստանում  այլևս չկա նույնիսկ ձևական «արդարադատություն», արդեն ակներև է:

Սակայն պետք է հասկանալ, որ հենց այս «մանրուքներից է» ծնվում «մեծ սրիկայությունները», իսկ դրանից էլ կործանվում են ժողովուրդներն ու երկրները: Այս տարրական ճշմարտությունը դեռ չի գիտակցում մեր հանրության զգալի մասը:

Սա է իրականությունը:

Արտակ Հակոբյան