Հիշում եք նախորդ իշխանությունների արածները․ դո՞ւք ինչ եք անում․ պատգամավորը՝ կառավարությանը

ԱԺ պատգամավոր Գևորգ Պետրոսյանը «Իմ քայլը» խմբակցության պատգամավոր Վահագն Հովակիմյանին հիշեցնում է, որ կառավարության կառուցվածքը սահմանված է օրենքով, ոչ թե կառավարության ցանկությամբ ու նպատակահարմարությամբ։ «Առիթը բաց չեք թողնում խորհրդարանական վերահսկողության ինստիտուտը գնդակահարելու համար»,- ԱԺ ամբիոնից ելույթ ունենալով՝ ասաց պատգամավոր Պետրոսյանը։

Նա ասաց, որ եթե կառավարության կազմն օպտիմալացնում են հարկատուների միջոցները խնայելու համար, ուրեմն կարելի է խնայել անիրազեկ մարդկանց չնշանակելով, որոնք ձախողում են ոլորտն ու մի ամբողջ համակարգ լուծարում։

«Գալիս եք ու ամեն անգամ հիշում եք նախորդ իշխանությունների արածները։ Այ մարդ, էդ մարդիկ անցան-գնացին, միայն հուշեր մնացին։ Դո՞ւք ինչ եք անում։

Գյուղնախարարությունը լուծարում եք, ասում եք՝ կեղծարարներ են պաշտոնի եղել։ Դուք էլ ոչ կեղծարարների նշանակյեք, ձեր ձեռքն ո՞վ ա բռնել, միանձնյա իշխանություն եք։

Ո՞վ ա ասում անգրագետներին նշանակեք, որոնք հանկարծ վկայականը 3 օր կորցնի, չի հիշի ինչ ա աշխատում։ Մի նշանակեք տենց մարդիկ»,- ասաց պատգամավորը՝ հավելելով․ «Որ ուղղությունը նշանակել եք գերակա, էդ նախարարությունը լուծարում եք»։

Մանրամասն՝ տեսանյութում։

Քննարկումն ամբողջությամբ՝ այստեղ։