Ստվերում են բազում նահատակների հիշատակը. Արտակ Զաքարյան

ՀՀԿ կողմից առաջադրված պատգամավորի թեկնածու Արտակ Զաքարյանը ֆեյսբուքյան իր էջում գրել է.

«Իշխանափոխությունը ավելի վեր դասել Հայ ժողովրդի պատմական հաղթանակից, նշանակում է ստվերել հաղթանակ կերպած բազում նահատակների հիշատակը, ազատամարտի տղաների սուրբ գործը, նշանակում է անհարգալից վերաբերմունք այսօր սահմանին կանգնած սպաների ու զինվորների անուրանալի առաքելության նկատմամբ:

Բնականաբար կան մարդիկ, ովքեր շատ են ոգևորվել կատարված իշխանափոխությունով: Եվ ի՞նչ է ստացվում, որ ավտոբուսի տակ պառկածները, թմբուկ զարկողները, սոցիալական ցանցերում հայհոյանքներ տարածողները ավելի մե՞ծ հերոսներ են: Չի՛ կարող նման բան լինել: Հանուն ձայներ հավաքելու չի՛ կարելի աղավաղել արժեքները, հատկապես սուրբ արժեքները»,– գրառման մեջ ընդգծում է Զաքարյանը։

Հիշեցնենք, որ նոյեմբերի 26-ին Սասուն Միքայելյանն իր խոսքում նշել էր, որ հեղափոխության ժամանակ ժողովրդի տարած հաղթանակը առանց վարանելու կարելի է ասել, որ ավելի կարևոր էր, քան Արցախյան հերոսամարտը, քանի որ եթե չլիներ այս հաղթանակը, չէին կարող վայելել նաև հերոսամարտում տարած հաղթանակը։