11  10  2018

Ավելի քան 600 միլիոն երեխա չի կարողանում տարրական կրթություն ստանալ. Օդրի Ազուլեն

Ավելի քան 600 միլիոն երեխա չի կարողանում տարրական կրթություն ստանալ. Օդրի Ազուլեն

Ավելի քան 600 միլիոն երեխա աշխարհում չի կարողանում տարրական կրթություն ստանալ։ Այս մասին Երևանում անցկացվող ՖՄԿ 17-րդ գագաթնաժողովի ժամանակ հայտարարել է ՅՈՒՆԵՍԿՕ–ի գլխավոր տնօրեն Օդրի Ազուլեն։

Նա իր խոսքում շեշտել է կանանց և աղջիկների համար կրթության ապահովման անհրաժեշտությունը։ «Այսօր Աղջիկների միջազգային օրն է, և սա հատկապես արդիական է»,–հավելել է Ազուլեն։

«Ներկա և գալիք սերունդները պետք է հակազդեն այնպիսի սպառնալիքներին, ինչպիսիք են՝ ժողովրդավարական և բնապահպանական սպառնալիքները, արմատականությունը։ Իսկ միասին՝ ՄԱԿ–ի, ՖՄԿ–ի, ՅՈՒՆԵՍԿO–ի հետ կարող ենք պատասխանել այդ սպառնալիքներին»,–հավելել է նա։

Նա նաև անդրադարձել է Շառլ Ազնավուրի հիշատակին՝ շեշտելով, որ նա, լինելով Հայաստանի հպարտությունը, խորհրդանշում է այն ամենը, որի կրողը Ֆրակոֆոնիայի երկրներն են։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ