Վարչապետն իրեն շփոթել է ժողովրդի հետ. Շարմազանովի պատասխանը Փաշինյանին. News.am

Վարչապետ Նիկոլ Փաշինյանն ինքն իրեն շփոթել է ժողովրդի հետ։ Հայաստանում չկա ու չի կարող լինել որևէ գործիչ, այդ թվում Նիկոլ Փաշինյանը, որը կարող է խոսել ՀՀ բոլոր քաղաքացիների անունից։ Այս մասին News.am-ի հարցին ի պատասխան ասաց ՀՀԿ մամուլի քարտուղար, ԱԺ նախագահի տեղակալ Էդուարդ Շարմազանովը։

Անդրադառնալով Մալաթիա–Սեբաստիայում այսօր՝ սեպտեմբերի 19–ին, Նիկոլ Փաշինյանի խոսքին, թե «հիմա էլ ասում են՝ արտահերթ ընտրություններ նպատակահարմար չենք գտնում, այսինքն, ուզում եք ասել, նպատակահարմա՞ր էիք գտնում, որ ես ընտրվեմ վարչապետ, նպատակահարմար պիտի ժողովուրդը գտնի, դուք ո՞վ եք», ՀՀԿ մամուլի խոսնակը կոչ արեց ժողովրդի ետեւում  չթաքնվել 7  ժողովրդի անունից կոչեր չհնչեցնել։

«Երկրորդ, եթե տեղյակ չես, ուրեմն տեղեկացնում եմ, քեզ ընտրել են ԱԺ պատգամավորները. մայիսի 1–ին չես ընտրվել, մայիսի 8–ին ընտրվել ես։ Եթե քեզ պատգամավորները ընտրած չլինեին, դու ոչ թե մայիսի 8–ին կհռչակվեիր ՀՀ վարչապետ, այլ մայիսի 1–ին»,–նկատեց Շարմազանովը։

Նա առնվազն վեց կետով հակադարձեց  Փաշինյանին.

«Երրորդ. ՀՀ–ում գործում է Սահմանադրություն, այլ ոչ թե Փաշինյանի կամ իմ ընտրազանգվածի դիկտատուրա և բոլոր գործընթացները պետք է լինեն բացառապես Սահմանադրության շրջանակում։

Չորրորդ, ըստ Սահմանադրության, երաշխավորված է իշխանությունների տարանջատման սկզբունքը եւ օրենսդիր մարմինը ոչ թե կառավարության կցորդն է, այլ Փաշինյանն ու կառավարությունն են հաշվելու օրեսդիր մարմնին։

Հինգերորդ. ՀՀ ԱԺ պատագամավորները՝ 105–ից յուրաքանչյուրը, ցանկացած օրենսդրական նախաձեռնության կքվեարկի այնպես, ինչպես իր խիղճը կամ համոզմունքը կթելադրի, այլ ոչ թե Փաշինյանը կամ Փաշինյանի կողմնակիցները։

Վեցերորդ, պարոն Փաշինյան, այս երկրագնդի վրա քեզանից հազարապատիկ ավելի հզոր ու ավելի բարձր լեգիտիմությունը ունեցող գործիչներ են եղել, որոնց կործանել է մեծամտությունը եւ անսխալականությունը։ Քանի ժամանակն է, պատմությունից դասեր քաղիր, չէ, հետո ուշ է լինելու»,–ասաց Էդուարդ Շարմազանովը։

Նա եզրափակեց, որ Նիկոլ Փաշինյանը ամենաձախողված վարչապետն է. «4 ամիսը բավարար էր, որ հասկանայինք, որ դու վարչապետ եւ գերագույն գլխավոր հրամանատար լինել չես կարող»։

Նյութն ամբողջությամբ կարդացեք News.am-ում։