Տղերք, ձեր «բարեփոխումներից» փիս հոտ է գալիս․ Կարեն Քոչարյան

Քաղտեխնոլոգ Կարեն Քոչարյանի ֆեյսբուքյան գրառումը․

«Հռետորական հարց ՀՀ ոստիկանապետ (ըստ օդում կախված լուրերի, համարյա սրբադասված նախկին վարչապետ Հովիկ Աբրահամյանի կադր) Արամ Հովհաննիսյանին:

Պարոն Հովհաննիսյան, մի քանի տարի առաջ բարեփոխումների անվան տակ լուծարվեց Ճանապարհային ոստիկանությունը և ստեղծվեց Պարեկային ծառայություն, իբր ճանապարհատրանսպորտային պատահարները պակասեցնելու նպատակով… սակայն պատահարները ավելացան։ Հետո ասեցիք պարեկների քանակը քիչ է՝ ավելացրեք։ Ավելացրեցին:

Հետո կառավարությանը զեկուցեցիք, որ նյութատեխնիկական ապահովում է անհրաժեշտ՝ ավտոները հին են։ Հարկատուների հաշվին միլիոնավոր դոլարների նոր տեխնիկա հատկացրեցին։ Դեպքերն ու վթարներն ավելացան: Հետո ասացիք պարեկների աշխատավարձը ցածր է: 8-րդ դասարանի (կամ 4-րդ) կրթությամբ, ձերքերը փողոցներում անիմաստ թափահարող տղաներին սկսեցիք տալ 350- 400 հազար աշխատավարձ: Վթարները ձեզանից համառ էին՝ ավելանում էին: Հետո ստիպեցիք, որ ազգս մգեցված ապակիներով չերթևեկի։ Բացի Աննա Հակոբյանից, բոլորը հանեցին «պլյոնկաները»: Վթարները ավելանում են ու ավելանում:

Ներմուծեցիք բալային համակարգ, ավելացրեցիք տեսախցիկները (իմիջիայլից, այդ առիթով «պրիվետ ատ Զիմզիմովա»): Դեպքերը կատաստրոֆիկ քանակի դարձան: Տղերք, իսկ գիտեք, որ սովորաբար, բոլոր նորմալ համակարգերն ունենում եմ ուսունմասիրությունների և վերլուծությունների բաժիններ, որոնք կոչված են դեպքերի պատճառներն ոսումնասիրելու և դրանք վերացնելու համար:

Ի դեպ, ձեր «բարեփոխումներից» հետո Հայաստանը դարձել է թմրամոլների և թմրաբիզնեսի դրախտ: Գողությունները, մարդկանց առևանգումները, սպանությունները Հայաստանում դարձել են սովորական երևույթ:

Մի հին անեկդոտ հիշեցի։

Տղերք կլինի էլ ոչ մի «բարեփոխում» չանեք… ձեր «բարեփոխումներից» փիս հոտ է գալիս:

ՀԳ
Ի դեպ, մի առիթով, ՆԳՆ նախարար Վահե Ղազարյանն ասել էր, որ ասֆալտն այնքան լավն է, որ վարորդները «գազ են տալիս», դրա համար էլ վթարների քանակն ավելացել է: Պարոն Ղազարյան, ես հասկանում եմ, որ գյուղի տղա եք եղել, շատ բան չեք տեսել, բայց հիմա հնարավորություն ունեք հարկատուների հաշվին գնալ Գերմանիա կամ Հոլանդիա և տեսնել, թե լավ ասֆալտը որն է»։