ԱՄՆ-ն Վրաստանում «գունավոր հեղափոխություն» է նախատեսում. ՌԴ ԱԴԾ

Հոկտեմբերի 26-ին կայանալիք խորհրդարանական ընտրությունների արդյունքներով ԱՄՆ-ն մտադիր է Վրաստանում իշխանափոխություն իրականացնել։ Այս մասին հայտնել է ՌԴ արտաքին հետախուզության ծառայության (ԱԴԾ) մամուլի բյուրոն։

Նշվում է, որ ԱՄՆ նախագահ Ջո Բայդենի վարչակազմն արդեն մշակել է իշխող «Վրացական երազանք» կուսակցության վարկաբեկման արշավ, և քարոզչական արշավը հիմնված է լինելու այն մեղադրանքների վրա, որ իբր Ռուսաստանը մեղավոր է Վրաստանի բոլոր անախորժությունների համար։

«Միևնույն ժամանակ, շեշտը դրվելու է «Վրացական երազանքի» «քաղաքական անկախության բացակայության» մեղադրանքների վրա, որը սպառնում է «Վրաստան» նավը կարմիր առագաստների տակ վերցնել» եվրոպական ափերից հեռու», - նշել են գերատեսչությունում։

ԱԴԾ-ի տվյալներով՝ դրանում առանցքային դերակատարություն կունենա Վրաստանի նախագահ Սալոմե Զուրաբիշվիլին։ Ինչպես պլանավորել են ամերիկացիները, նա հարցազրույց կտա ամերիկյան լրատվամիջոցներից մեկին, որտեղ կմեղադրի Վրաստանի կառավարությանը Եվրամիությանն անդամակցելու բանակցությունների «դեգրադացիայի» մեջ, ինչպես նաև կզգուշացնի հանրությանը Մոսկվայի հետ մերձեցման աղետալի հետևանքների մասին:

«Միևնույն ժամանակ, Վաշինգտոնը, Զուրաբիշվիլիի միջոցով, մտադիր է ընտրողներին նախապատրաստել «Վրացական երազանքին՝ ընդդիմության կողմից ինչ-որ քաղաքական անակնկալի», որը, ի վերջո, կարող է դառնալ հերթական «գունավոր հեղափոխությունը»»,- ասել են գերատեսչությունում։

Ընդգծվում է, որ Վաշինգտոնն արդեն ընդդիմությանը հրահանգ է տվել սկսել բողոքի ակցիաներ ծրագրել: Ըստ ԱԴԾ-ի՝ բողոքի ակցիայի մասնակիցներից նախատեսվում է «սուրբ զոհաբերություն», որը ժողովրդի զայրույթը կուղղի դեպի ուժայինները։

Գերատեսչությունում հավելել են, որ ԱՄՆ-ն արդեն ունի նմանատիպ փորձ։