Հին աթոռ, կարմիրով ներկված պլակատ՝ «Մահաբեր իշխանություն». ՔՊ + սիրախաղ = ցեղասպանություն» գրառմամբ

Ադրբեջանագետ Գառնիկ Դավթյանը Հանրապետության հրապարակում իրազեկման ակցիա էր իրականացնում։ Իր հետ բերել էր հին աթոռ, որի վրա փակցված էր պաստառ: Պաստառի վրա գրված էր «Մահաբեր իշխանություն». ՔՊ + սիրախաղ = ցեղասպանություն»: Պաստառի վրա կարմիրով ներկված հատվածներ կային, որոնք խորհրդանշում էին արյուն։

«Իմ նպատակը հասարակությանը տեղեկացնելն է, որ Նիկոլի վարած քաղաքականության արդյունքում ամբողջ Հայաստանը գտնվում է կիսաարյան իրավիճակում։ Աթոռը խորհրդանշում է Նիկոլի վարած քաղաքականության հետևանքով առաջացած Հայաստանի կարգավիճակը: Կարմիր գույնը խորհրդանշում է 44-օրյա պատերազմի արյունը: Եթե այսպես շարունակվի, շատ կարճ ժամանակում բոլորս դառնալու ենք 44-օրյա պատերազմի զոհերի շարունակությունը: Իմ նպատակն է հայ ժողովրդին կոչ անել, որ ոտքի կանգնեն, չենթարկվեն թուրք-ադրբեջանական տանդեմի պահանջներին»,- լրագրողներին ասաց նա:

Գառնիկ Դավթյանին կարմիր բերետավորները բերման ենթարկեցին։