19 12 2022

Ցավակցում եմ Գալուստ Սահակյանի ընտանիքին և հարազատներին. Ռոբերտ Քոչարյան

Ցավակցում եմ Գալուստ Սահակյանի ընտանիքին և հարազատներին. Ռոբերտ Քոչարյան

ՀՀ երկրորդ նախագահ Ռոբերտ Քոչարյանն իր ֆեյսբուքյան էջում ցավակցել է ԱԺ նախկին նախագահ Գալուստ Սահակյանի ընտանիքին և հարազատներին:

«Ցավով տեղեկացա ՀՀ ԱԺ նախկին Նախագահ, ՀՀ ԱԺ բազմաթիվ գումարումների պատգամավոր Գալուստ Սահակյանի անժամանակ մահվան մասին:

Ցավակցում եմ Գալուստ Սահակյանի ընտանիքին և հարազատներին»:

Նշենք նաև, որ «Հայաստան» խմբակցությունը ևս իր ցավակցությունն է հայտնել Հայաստանի օրենսդիր մարմնի երկարամյա պատգամավոր, ՀՀ Ազգային ժողովի նախկին նախագահ, քաղաքական և պետական գործիչ Գալուստ Գրիգորի Սահակյանի մահվան կապակցությամբ:

«Արժևորելով Գալուստ Սահակյանի երկարամյա մանկավարժական գործունեությունը, վառ անհատականությունն ու մարդկային բարձր որակները՝ վշտակցում, տոկունություն ենք մաղթում նրա ընտանիքին՝ հարազատների և բարեկամների հետ կիսելով կորստի ցավը:

Գալուստ Գրիգորիչի՝ լուսավոր և հայրենանվեր մարդու կերպարը անջնջելի հետք է թողնելու նրան ճանաչողների սրտերում»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ