Երբ մենք էինք «Բայրաքթար» օգտագործում, անվանում էին «մահացու զենքեր», բայց Ուկրաինայում անվանում են «հրեշտակ». Ալիև

Ադրբեջանի նախագահ Իլհամ Ալիևն արևմտյան երկրներին մեղադրել է ուկրաինական հակամարտության հետ կապված կեղծավորության համար։ Այս մասին գրում է Tert.am-ը՝ հղում անելով Ura.ru-ին։

Ալիևը նշել է, որ 44-օրյա պատերազմի ժամանակ, երբ Ադրբեջանը «Բայրաքթար» անօդաչու թռչող սարքերի էր օգտագործում, օտարերկրյա փորձագետներն ու լրատվամիջոցները դրանք անվանում էին «մահացու զենքեր»։  Սակայն այժմ, Ուկրաինայում ՌԴ-ի սկսած հատուկ գործողության ժամանակ, նրանք այս անօդաչու թռչող սարքն անվանում են «հրեշտակ»։ «Ահա թե ինչ է նշանակում երկակի ստանդարտներ»,- ընդգծել է Ալիևը։