Օր-օրի գնաճը շարունակվում է․ ի՞նչ սուբսիդավորում եք նախատեսում քաղաքացիների համար․ պատգամավորը՝ նախարարին

Կառավարության հետ հարցուպատասխանի ժամանակ «Հայաստան» խմբակցության պատգամավոր Հռիփսիմե Ստամբուլյանը Էկոնոմիկայի նախարարին, մինչ հարցերն ուղղելը հայտարարեց․ «Նախականխելով  Էժանագին շոուների բեմադրումը,  նշեմ, որ հարցս ուղղված է էկոնոմիկայի նախարարին»։

Շարունակելով հարցադրումները պատգամավորն ընդգծեց․

« ԿԲ-ն վերանայեց տնտեսական աճի վերաբերյալ կանխատեսումը և 5․3 տոկոսից նվազեցրել է 1․6 տոկոսի  և գնաճային նոր սպասումների ֆոնին բարձրացրեց վերաֆինանսավորման տոկոսադրույքը՝  մինագամից 1,25 տոկոսային կետով ։ ԿԲ-ի կողմից վերաֆինանսավորման տոկոսադրույքի  բարձրացումն  ակնկալելի էր և օրինաչափ է , բայց սա կարող է տնտեսության աճի վրա բացասաբար ազդել։  Նախ ասեք՝  նախրարությունը  տնտեսական աճի ի՞նչ կանխատեսումներն ունի , տարբերվու՞մ են նախորդ տարվանից, թե՞ այս տարի ևս  թռիչքաձև աճ եք սպասում , ինչպե՞ս եք լուծելու տնտեսական աճի վրա ազդեցությունները։  Ունե՞ք հաշվարկ, թե  ի՞նչ ազդեցություն կունենա  լույսի, գազի, ջրի  թանկացումը տնտեսական շարժի վրա ։ Ո՞ր երկրներից եք սպասում  ներդրումներ»,-հարցադրեց պատգամավորը։

 Նախարարը  ներդրումների  մասով  նշեց, որ մյուս շաբաթվա մեջ կառավարությանը կներկայացնեն միջոցառումների ծրագրով հաստատված ծրագիր և այլն։  Ըստ էության  հարցերին նտրված պատասխանները չգոհացրեց պատգամավորին, որըը փորձեց հստակեցնել  ասելիքն ու լսել հստակ պատասխան․  «Օր-օրի  գնաճը շարունակվում է․  պետական պարտքը բարձրանում է, ի՞նչ սուբսիդավորում եք նախատեսում քաղաքացիների համար»։

Նախարարն ամեն դեպքում ասաց, որ  հոսանքի, ջրի, գազի թանկացումները կհանգեցնեն  1 տոկոս գնաճի, բայց՝  տնտեսական աճի վրա կունենան չնչին ազդեցություն։

«Համաձայն եմ Ձեր հետ,  գնաճային  ճնշումները մեծացել են»,-արձագանքեց նախարարը՝ Ստամբուլյանին։