17 08 2021

Հայաստանում ՌԴ դեսպանն այցելել է Երասխի սահմանապահ ուղեկալ

Հայաստանում ՌԴ դեսպան Սերգեյ Կոպիրկինի արձակուրդային այցելությունների հերթական տեղն Արարատի մարզն էր, որտեղ դիվանագետն ընտանիքի հետ եղավ Փոքր Վեդի գյուղի հնագիտական պեղումների վայրում։ Այս մասին տեղեկանում ենք ՀՀ-ում ՌԴ դեսպանատան ֆեյսբուքյան էջից։

Ուղևորության ընթացքում Կոպիրկինը այցելել է նաև հայկական սահմանի առանձին հատվածներ, այդ թվում Երասխ բնակավայրում, որտեղ հանդիպել է Հայաստանում Ռուսաստանի ԱԴԾ սահմանապահ վարչության Արարատի սահմանապահ ջոկատի հայ և ռուս սահմանապահների հետ։

Ուղեկալներից մեկի այցելության ժամանակ Կոպիրկինն ընտանիքի հետ ծաղիկներ է խոնարհել սահմանապահ Ա.Պ.Կորյակովի կիսանդրիի մոտ։ Կորյակովը զոհվել էր 1948 թվականին Թուրքիայի տարածքից ներխուժած դիվերսանտների հետ կռվի ժամանակ՝ ծառայողական պարտքը կատարելիս։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

ՌԴ դեսպան | Երասխ

Դիտել նաև

Հասարակություն 22 09 2024

Պակիստանում պայթել է ՌԴ պատվիրակությանն ուղեկցող ավտոմեքենան, որի կազմում եղել է ՌԴ դեսպանը

Ըստ տեղեկությունների՝ դիվանագետները չեն տուժել