Օրենքում գրված է մեկ բան, իսկ Սահմանադրությունը, որը իրավունք է պատվիրակել, լրիվ այլ բան է նախատեսում․ Վարդևանյան

ՀՅԴ «Արամ Մանուկյան» կենտրոնում,  ՀՅԴ «Նիկոլ Աղբալյան» ուսանողական միության նախաձեռնությամբ, երեկ  դասախոսությամբ է հանդես եկել   ԱԺ «Հայաստան» խմբակցության պատգամավոր Արամ Վարդևանյանը՝ «Պետության իրավական անվտանգություն. ի՞նչ խնդիրների են բախվում իրավունքը և օրենքը ՀՀ-ում» թեմայով։  Պատգամավորի հիմնական խոսքից հետո  ներկաները տարբեր հարցեր ուղղեցին ․ դասախոսությունն ընթացավ՝  ինտերակտիվ հարցուպատասխանով։   Հատկապես՝  իրավունքի և օրենքի հակասությանը, հակասական կողմերի մասին խոսելով Արամ Վարդևանյանը մասնավորեցրեց օրինակներով․

« Սահմանադրությունն ասում է, որ մարդուն  չես կարող ազատությունից զրկել , ազատությունից կարող ես զրկել միայն օրինակ 72 ժամով։ Հիմա, պատկերացրեք, ԱԺ-ն ընդունում է մի օրենք , որով գրված է ոչ թե 72 ժամ, այլ, օրինակ, 120 ժամ ։ Այսինքն՝ ստացվում է, որ օրենքում գրված է մեկ բան,  իսկ Սահմանադրությունը, որը իրավունք է պատվիրակել,   լրիվ այլ հանգամանք է նախատեսում։ Այստեղ ի՞նչ է լինում ՝ օրենքի և իրավունքի բախում․  մի կողմից կա օրենքի գերակայություն , բայց մյուս կողմից ունենք իրավունքի գերակայություն , այս ժամանակ, չնայած ԱԺ-ն օրենք է ընդունել և կարագավորում է նախատեսել , չես կարող այդ կարգավորումը իրացնել 72 ժամից ավել, որովհետև իրավունքն է գերակայող »,-ասաց Արամ Վարդևանյանը։

«Դասական իմաստով օրենքի և իրավունքի գերակայության  տրամաբանությունը հետևյալը պետք է լիներ, գործադիրը  և օրենսդիրը չպետք է կատարեն այնպիսի գործողություններ, որ այդ կոնֆլիկտը առաջանա , բայց  միամտություն է այդպես կարծել , իրականում լինում են այդ բախումները և հենց դրա համար էլ  նախատեսվել է իրավունքի գերակայությունը»,-ասաց Արամ Վարդևանյանը։

Մանրամասն՝ տեսանյութում։