Պարոն Չարչյանը դեռ այն առողջական վիճակում չէր, որ նրան տեղափոխեին ՔԿՀ. Էրիկ Ալեքսանյան

Հիվանդանոցի տնօրինությունը նման դիրքորոշում ունի, որ պարոն Չարչյանի առողջական վիճակը կազդուրվել է և կարող է տեղափոխվել քրեակատարողական հիմնարկ, թեպետ մենք պնդում ենք, որ այս պայմաններում Արմեն Չարչյանը չի կարող տեղափոխվել ՔԿՀ ։ Այս մասին Yerevan.Today-ի հետ զրույցում ասաց Արմեն Չարչյանի փաստաբան Էրիկ Ալեքսանյանը։

«Պարոն Չարչյանը դեռ այն առողջական վիճակում չէ, որ նրան տեղափոխեն ՔԿՀ,  նկատի ունենալով այն հանգամանքը, որ ՔԿՀ-ն չունի այն ռեսուրսները անհրաժեշտության դեպքում այդ բժշկական օգնությունները  ցուցաբերելու պարոն Չարչյանին, բայց այնուամնայնիվ տնօրինությունը այդ դիրքորոշումն ունի  և եթե հետագայում պարոն Չարչյանի առողջական վիճակը էլ ավելի վատթարանա, ամբողջ պատասխանատվությունը  կրելու է ՔԿՀ-ն»,- ասաց փաստաբանը։

Էրիկ Ալեքսանյանը հայտնեց, որ քրեակատարողական հիմնարակը ամենօրյա ռեժիմով հետաքրքվել է, թե ինչու քաղաքացիական հիվանդանոցից Արմեն Չարչյանը չի տեղափոխվում ՔԿՀ․ «Կարծում եմ՝ սա որոշակի զդեցություն է թողել քաղացիական հիվանդանոցի վրա։ Այդ իսկ պատճառով նման դիրքորուշում ունի։ Թեպետ հիվանդանոցի բուժօգնությունը եղել է բարձր մակարդակի, բայց մենք այն կարծիքին ենք, որ պարոն Չարչյանն այս պայմաններում  չպետք է տեղափոխվեր ՔԿՀ»։

Փաստաբանը նաև հայտնեց, որ գրավով Արմեն Չարչյանին ազատ արձակելու միջնորդություն են ներկայացրել, որպեսզի հրատապ նիստ հրավիրվի։