16 10 2020

Ադրբեջանը ռազմական հանցագործ է․ Նաիրա Զոհրաբյան

Ադրբեջանը ռազմական հանցագործ է․ Նաիրա Զոհրաբյան

ԲՀԿ խմբակցության պատգամավոր Նաիրա Զոհրաբյանը ֆեյսբուքյան իր էջում գրել է. «Այսօր ինձ փոխանցվեց հայ գերիների նկատմամբ ազերի զինուժի մարդասպանների կատարած անմարդկային դաժան վերաբերմունքը փաստող երկու տեսանյութ:

Որևէ սթափ տրամաբանությամբ հնարավոր չէ բացատրել, թե ինչպես մարդը կարող է դառնալ այսպիսի գազան, այսպիսի հրեշ:

Ադրբեջանցի զինվորականները, միջազգային մարդասիրական իրավունքի բոլոր նորմերի խախտմամբ, մարդկանց ենթարկում էին սարսափելի նվաստացման, որից հետո սպանում բացառիկ ցինիզմով:

Այդ տեսանյութերը առավոտից տարածվել են ադրբեջանցի օգտատերերի կողմից սոցիալական ցանցերով, որոնք ունեցել են հարյուր հազարավոր դիտումներ:

Իհարկե, ավելի ուշ այդ երկրի պաշտպանության նախարարությունը հերքել և փորձել է տեսանյութերը համացանցից հեռացնել, բայց մեկ բան աներկբա է՝ տեղի ունեցածը ռազմական հանցագործություն է, տեսանյութերը պատերազմական հանցագործության մասին անհերքելի իրավական ապացույցներ են և այսօր այդ տեսանյութերը՝ կից պարզաբանմամբ իմ կողմից, որպես ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի, ուղարկվել է ԵԽԽՎ նախագահին, ԵԽ մարդու իրավունքների հանձնակատարին, ՄԱԿ-ի Մարդու իրավունքների գրասենյակին, ԵԽԽՎ բոլոր քաղաքական խմբերին։

Ես րոպե առաջ ակնկալում եմ, որ միջազգային այս կառույցները, որոնք 24-ժամյա ռեժիմով խոսում են մարդու իրավունքից, խոսում են կյանքի իրավունքից, խոսում են խոշտանգումների և նվաստացման բացառումից, Ադրբեջանի զինուժի արարքին պիտի հստակ գնահատական տան՝ որպես պատերազմի հանցագործություն, դրանից բխող իրավական բոլոր հետևանքներով»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ