28 07 2020

Դատարանը տեղեկանքներ պահանջեց արգելանքի տակ գտնվող գույքի արժեքի և հաշիվների վերաբերյալ

Սահմանադրական կարգի ենթադրյալ տապալման գործով նիստը նախագահող դատավոր Աննա Դանիբեկյանը պաշտպանական կողմից պահանջեց արգելանքի տակ գտնվող գույքի և բանկային հաշիվերի վերաբերյալ ամբողջական տեղեկություն տրամադրել։

Նշենք, որ ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի պաշտպաններըն այսօր միջնորդեցին վերացնել նրանց գույքի և բանկային հաշիվների վրա դրված արգելանքը։

Պաշտպան Հովհաննես Խուդոյանը նշեց, որ Քոչարյանի գույքի վրա կալանք դնելու քննիչ Մուշեղյանի որոշումը պատճառաբանված չէ։ Բացի այդ սահմանադրական կարգի տապալման վերաբերյալ հոդվածը, որպես պատիժ, չի նախատեսում գույքի բռնագրավում։

Մեղադրող կողմն առարկեց, նշելով, որ «կալանքի տակ է ապօրինի ձեռք բերված գույքը»։ Ի պատասխան այս պնդմանը Ռոբերտ Քոչարյանը հայտարարեց, որ իր գույքը դա մեկ տուն է, որը նա ստացել է պետության կողմից, և դրամական երկու հաշիվներ, որոնց գումար է փոխանցվել միայն մեկ աղբյուրից՝ ԲՖԿ «Սիստեմա»-ից, որտեղ Քոչարյանը զբաղեցնում է անկախ տնօրենի պաշտոնը։

«Այդ գույքի և հաշիվների օրինականությունը որևէ մեկի մոտ չի կարող կասկածներ առաջացնել, և այդ ամենը դատարանն ունի նաև նյութերում», - ասաց Քոչարյանը։

Դատարանը անհրաժեշտ համարեց ներկայացնել արգելանքի տակ գտնվող գույքի արժեքի վերաբերյալ տեղեկանքները, դրանց սեփականության վկայականները և բանկային հաշիվների քաղվածքները։

Պահանջվող տեղեկություններն ստանալուց հետո դատարանը կորոշի՝ հնարավոր է լուծել միջնորդությունները թե ոչ։ Այսօրվա դատական նիստը հետաձգվեց մինչև օգոստոսի 4-ը, ժամը 13։00։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև

Քաղաքական 03 04 2024

Բագրատ Միկոյանը Ռոբերտ Քոչարյանի՝ արտերկրում գտնվելու լուրերի մասին

Միայն դատարանի մերժման պատճառով նախագահը համաձայնեց վաղեմության հիմքով գործի կարճմանը՝ բուժման նպատակով երկրից բացակայելու համար

Տեղեկանք 23 03 2024

ՏԵՂԵԿԱՆՔ № 42՝ Նիկոլ Փաշինյանին ընտրածների համար

Չկատարած խոստումները՝ Սփյուռքի կադրերի, կուսակցություններում կոռուպցիայի, ազգային ավիափոխադրողի, Արցախի մասին

Քաղաքական 19 03 2024

Ռոբերտ Քոչարյանը շնորհավորել է Պուտինին՝ ստացած համաժողովրդական աջակցության և վերընտրվելու կապակցությամբ

ՀՀ երկրորդ նախագահը շնորհավորել է ՌԴ նախագահին՝ վերընտրվելու առիթով

Տեղեկանք 16 03 2024

ՏԵՂԵԿԱՆՔ № 41՝ Նիկոլ Փաշինյանին ընտրածների համար

Չկատարած խոստումները՝ կաթի գնի, հայրենադարձության, մարտի 1-ի բացահայտման, անվտանգության երաշխիքների մասին

Իրավական 12 03 2024

Ավագանու անդամներին մանդատից զրկելու ապօրինի գործողությունը կվիճարկվի դատարանում

Երևանի քաղաքապետարանի հակաօրինական և հակասահմանադրական որոշումը ընդդիմության ձայնը լռեցնելու իշխանության կամայական գործելաոճի շարունակությունն է

Տեղեկանք 08 03 2024

ՏԵՂԵԿԱՆՔ № 40՝ Նիկոլ Փաշինյանին ընտրածների համար

Չկատարած խոստումները՝ պաշտպանության և անվտանգության, ազատազրկվածների թվի նվազման, ուսուցիչների աշխատավարձի, կարտոֆիլի բերքի մասին