13 05 2020

Պատգամավորը երբվանի՞ց դարձավ ոստիկան, որ գործը որակել եք 316 հոդվածով․ Մելիքյան

Պատգամավորը երբվանի՞ց դարձավ ոստիկան, որ գործը որակել եք 316 հոդվածով․ Մելիքյան

«Իրավական ուղի» ՀԿ նախագահ Ռուբեն Մելիքյանը ֆեյսբուքյան իր էջում գրել է․

«Հենց նոր «Կամք» հասարակական շարժման ներկայացուցիչ Վահագն Չախալյանից տեղեկացա, որ այդ շարժման անդամներից մեկը ՁԵՐԲԱԿԱԼՎԵԼ Է պատգամավոր Նիկոլայ Բաղդասարյանին հեծանվով վրաերթի ենթարկելու գործով։ Ըստ Չախալյանի՝ ձերբակալվածը չի ընդունում պատգամավորի ներկայացրած փաստերը։

Բայց առավել տարօրինակ է հարցի քրեաիրավական կողմը. Չախալյանն ինձ տեղեկացրեց, որ անձը ձերբակալվել է քրօր 316-րդ հոդվածի 1-ին մասով նախատեսված արարքը կատարելու կասկածով։ Այն է՝ «ԻՇԽԱՆՈՒԹՅԱՆ ՆԵՐԿԱՅԱՑՈՒՑՉԻ կամ նրա մերձավոր ազգականի նկատմամբ կյանքի կամ առողջության համար ոչ վտանգավոր բռնություն գործադրելը կամ բռնություն գործադրելու սպառնալիքը՝ կապված նրա կողմից իր ծառայողական պարտականությունները կատարելու հետ»։

Ընդ որում, նույն հոդվածի 3-րդ մասը սահմանում է «իշխանության ներկայացուցիչ» հասկացությունը. պետական և տեղական ինքնակառավարման մարմիններում ծառայող այն անձը, ով ԾԱՌԱՅՈՂԱԿԱՆ ԵՆԹԱԿԱՅՈՒԹՅԱՆ ՏԱԿ ՉԳՏՆՎՈՂ անձանց նկատմամբ սահմանված կարգով օժտված է ԿԱՐԳԱԴՐԻՉ ԼԻԱԶՈՐՈՒԹՅՈՒՆՆԵՐՈՎ»։

Այլ կերպ՝ 316 հոդվածը վերաբերելի է միայն այն ծառայողներին, որոնք իրավասու են ցանկացած մարդու կարգադրել։ Հիմնականում դրանք ոստիկանության ծառայողներն են։

Հիմա՝ ԱԺ պատգամավորը երբվանի՞ց դարձավ ոստիկան, որ նրա նկատմամբ իբրև թե բռնությունը որակել եք 316-րդ հոդվածով։ Երբվանի՞ց եք պատգամավորներին օժտել մարդկանց կարգադրելու լիազորությամբ»։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ