Փոփոխությունների նախագիծը իրավական պոռնկության դրսևորում է․ Կոչուբաև

Փաստաբան Ալեքսանդր Կոչուբաևը գրում է․

«Առանձնապես ծանր հանցագործության նախապատրաստության վերաբերյալ հաղորդում

Սահմանադրական փոփոխությունների նախագիծը իրավական պոռնկության դրսևորում է։Փաստացի այդ նախագծով Սահմանադրությամբ չնախատեսված եղանակով փորձ է կատարվում տիրանալ սահմանադրական դատարանի լիազորություններին /Իշխանությունը յուրացնելը/։ Սա նաև առաջացնելու է սահմանադրական կարգի տապալում։

ՀՀ իրավապահ համակարգին կոչ եմ անում այս հայտարարությունը դիտարկել որպես առանձնապես ծանր հանցագործության նախապատրաստության վերաբերյալ հաղորդում և ձեռնարկել համապատասխան միջոցառումներ կանխելու այդ հանցագործությունը։

Փաստացի ԱԺ-ն դեմ է գնում սահմանադրի կամքին։ Սահմանադիրը 213-րդ հոդվածով հստակ սահմանել է, որ ՍԴ նախկին անդամները պետք է շարունակեն պաշտոնավարել մինչև Սահմանադրության նախկին խմբագրությամբ նախատեսված ժամկետի ավարտը։ Թև ֆորմալ առումով ԱԺ-ն ունի Սահմանադրության մեջ փոփոխություններ կատարելու լիազորություն, սակայն դրանք չպետք է վիժեցնեն սահմանադրաիրավական պատվիրանների իմաստը և բովանդակությունը։

Հ․Գ․ Սթափության կոչ եմ անում մեր պատգամավորներին։ Հիշեք, որ կան քարեր նետելու ժամանակներ և կան քարեր հավաքելու ժամանակներ»։