Ակնհայտ էր, որ վարչական ռեսուրսի չարաշահում է. Ռուբեն Մելիքյանը՝ ՔՊ քարոզարշավի մասին

Ակնհայտ է, որ այս դեպքում դեպքում լրացուցիչ քննության և պարզաբանման կարիք կա: Նման կարծիք Yerevan.Today-ի հետ զրույցում հայտնեց իրավապաշտպան Ռուբեն Մելիքյանը՝ անդրադառնալով օրեր առաջ տարածված տեսանյութին:

Հիշեցնենք, որ սեպտեմբերի 7-ին ֆեյսբուքյան օգտատեր Արթուր Չախոյանը տեսանյութ էր հրապարակել, որը փաստում էր Նոր Նորքի առաջին զանգվածում տեղի ունեցած ՔՊ կուսակցության նախընտրական հավաքին ուսումնական հաստատությունների, համայնքային այլ կառույցների աշխատակազմերի ուղղորդված մասնակցությունը:

«Ակնհայտ էր, որ վարչական ռեսուրսի չարաշահում է տեղի ունենում, բայց մեր օրենսդրությունն այնպիսին է, որ վարչական ռեսուրսի չարաշահում հասկացությունը ոչ միշտ է որ հանցավոր է և իրենից հանցագործություն է ներկայացնում:

Այս դեպքում դեպքում լրացուցիչ քննության և պարզաբանման կարիք կա: Բայց նաև վստահ եմ, որ որևէ արդյունավետ քննություն այս իշխանությունը իրականացնել չի կարող: Դա նույնիսկ կարող է շատ արհեստական գործընթաց լինել: Գուցե ճիշտն այն է, որ այս պահին քննություն չիրականացվի, որպեսզի հետագայում ավելի արդյունավետ քննություն իրականացվի:

Վարչական ռեսուրսի նման դեպքերը և շատ բաներ էլ կան, որ մենք չենք տեսնում, բայց դրանք բնականաբար ազդեցություն ունենալու են ընտրությունների վերջնական արդյունքների վրա»,-ասաց նա: