Դատավոր Մնացական Մարտիրոսյանն այս իշխանությունների գիլիոտինն է․ Կոչուբաև

«Մնացական Մարտիրոսյանի գնահատականը կարող է տրվել բացառապես իրավաքաղաքական փոփոխություններից հետո, քանի որ Մարտիրոսյանն  այս իշխանությունների գիլիոտինն է,  ինչ հրահանգներ ստանա, կյանքի է կոչում»,-այս մասին «Հայելի» ակումբում հրավիրված ասուլիսի ժամանակ ասաց փաստաբան Ալեքսանդր Կոչուբաևը՝  ներկայացնելով Վահագն Վերմիշյանի նկատմամբ դատավորի ցուցաբերած վարքագիծը։  

 «Ի՞նչ էր ասել պարոն Վերմիշյանը, ասել  էր՝  աթոռին, որտեղ  ինքն է նստած, ամբաստանյալ է մահացել  և խնդրեց բոլորին հոտընկայս հարգել Արմեն Գրիգորյանի հիշատակը։ Մնացական Մարտիրոսյանի համար այն  աստիճան վիրավորակա դիտարկվեց, որ առիթ հանդիսացավ՝  10 ժամով Վահագն Վերմիշյանին դատական նիստերի  դահլիճից հեռացնելու։ Այսինքն՝ դա նշանակում է ,որ Վահագն Վերմիշյանն այլևս չի վերադառնալու դատական նիստերի դահլիճ, որվհետև մեզ մնացել է հարցաքննել 4 ամբաստանյալի․ հանրագումարով, գուցե, մեկ ժամն էլ շատ լինի այդ հարցաքնությունների համար   և փաստորեն Վահագն Վերմիշյանը մնաց առանց դատավարության։

 Մնացական Մարտիրոսյանը շատ լավ էր հասկանում, որ 10 ժամ մեկուսացնել Վահագն Վերմիշյանին պրոցեսից,  զրկում է սեփական դատավարությանը մասնակցելու իրավունքից։ Մինչև Վահագն Վերմիշյանը հայտարարեց, որ ոտքի կանգնել և հարգել  Արմեն Գրիգորյանի հիշատակը , Վերմիշյանի ինքնազգացողությունը վատացավ և այդ ֆոնին,  երբ Վերմնիշյանին դահլիճից դուրս բերեցինք, ինձ հատկապես հետաքրքրեց Մնացական Մարտիրոսյանի վարքագիծը , որին հետաքրքի ր չէր ինչ է կատարվում ամբաստանյակի հետ»,-ասաց Կոչուբաևը։  

«Իհարկե դատավոր բառը Մնացական Մարտիրոսյանի համար շատ շքեղ բառ է, ապագայում մենք պարտադիր պետք է գնահատականի արժանացնենք Մարտիրոսյանի վարքագիծը»,-ասաց նա։