Ինչպե՞ս չհիվանդանալ գրիպով․ 5 խորհուրդ

Գրիպի և մրսածության շրջանը սկսվում է աշնանից և շարունակվում մինչև գարուն։ Ոչ ոք ապահովագրված չէ հիվանդություններից և մրսածությունից։ Fiteria-ն ներկայացնում է, թե ինչ կանխարգելիչ միջոցառումներ կարելի է ձեռնարկել՝ չհիվանդանալու համար։

Լվացեք ձեռքերը

Ձեռքերը հաճախ լվանալը կօգնի կանխել գրիպը և մրսածությունը։ Գտնվելով հասարակական վայրերում՝ պետք է ձեռքերը հեռու պահել աչքերից, քթից և բերանից։ Վարակը կարող է ձեռքերի վրա ապրել մինչև երեք ժամ, այդ ընթացքում կարող եք հասցնել դիպչել տասնյակ առարկաների։

Սնունդը մի՛ կիսեք

Խուսաձեք սննդի և խմիչքի համատեղ օգտագործումից։ Մի՛ կիսվեք ձեր սպասքով և մի՛ վերցրեք ուրիշինը։

Մի՛ ծխեք

Ծխող մարդիկ առավել ուժեղ են հիվանդանում, քան չծխողները։ Ծխախոտի ծուխը քայքայում է շնչառական ուղիների պաշտպանական բջիջները։

Մի՛ դադարեք մարզվել

Չափավոր ֆիզիկական ծանրաբեռնվածությունն ամրացնում է դիմադրողականությունը, դրա համար չպետք է մարզումները բաց թողնել հիվանդության առաջին նշանների ի հայտ գալու հետ։ Սակայն հիշեք, որ ինտենսիվ մարզումները կարող են թուլացնել օրգանիզմը։

Մի՛ նյարդայնացեք մանր խնդիրներից

Սթրեսը գործոն է, որը մեծացնում է մրսելու և գրիպով հիվանդանալու հավանականությունը։ Անհիմն սթրեսն իջեցնում է իմունոգլոբուլինի արտադրությունը, դրանից է կախված իմունային համակարգի ամրությունը։