Ցուցարարները մտել են Ազգային ժողովի նիստերի դահլիճ. ուղիղ

Քաղաքացիները փակել են Բաղրամյան պողոտան։ Մի խումբ քաղաքացիներ մտել են Ազգային ժողովի նիստերի դահլիճ։

Նշենք, որ բողոքի ակցիաներ են տեղի ունենում նաև կառավարություն և նախագահականի մոտ։ 

Հիշեցնենք, որ այսօր վարչապետ Նիկոլ Փաշինյանը գրառում է կատարել այն մասին, որ Ռուսաստանի եւ Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու մասին հայտարարություն է ստորագրել։ 

«Հայտարարության տեքստը, որ արդեն հրապարակվել է, անասելի ցավոտ է անձամբ ինձ եւ մեր ժողովրդի համար: Այդ որոշումը կայացրել եմ ռազմական իրադրության խորը վերլուծության եւ այդ իրադրությանը ամենալավը տիրապետող մարդկանց գնահատականի արդյունքում: Նաեւ հիմնվելով այն համոզմունքի վրա, որ ստեղծված իրավիճակում սա ՀՆԱՐԱՎՈՐ ամենալավ հանգուցալուծումն է: Այս ամենի մասին առաջիկա օրերին հանդես կգամ մանրամասն ուղերձով»,- գրել է վարչապետը։