Պատերազմի, Սփյուռքի ներուժի ու այս օրերին դավաճաններ փնտրելու մասին. Սերժ Սրապիոնյան

Եթե կա դավաճան, ինչի մասին մի քանի օր առաջ նույնպես հայտարարվեց բարձրաստիճան ինչ որ սպայի վերաբերյալ, որի անունը ոչ ոք չգիտի, նա պետք է պատժվի ռազմական բոլոր օրեքնների խստությամբ, այստեղ վիճարկելու ոչինչ չկա, բայց իմ կարծիքով պետք է այդպիսի բաներն այսօր չբարձրաձայնեն: Yerevan.Today-ի հետ զրույցում ասաց Սփյուռքի նախկին փոխնախարար Սերժ Սրապիոնյանը՝ անդրադառնալով Նիկոլ Փաշինյանի այն հայտարարությանը, որ պատերազմական իրավիճակում կան մարդիկ, ովքեր զինվորների շրջանում կեղծ լուրեր են տարածում:

«Սա ուրախություն է բերում թշնամուն, 2-րդ՝ մեր շարքերում ծնում է վհատության զգացողություն, որ այսքան կռիվներ են արվում, մինչդեռ մարդիկ կան, ովքեր չգիտես ինչու դավաճանում են մեր երկիրը: Եթե ԱԱԾ-ն հայտնաբերել է այդպիսի մի դավաճանական որջ, անհասկանալի է ԱԱԾ տնօրենի ազատման փաստը, նա ըստ էության գործել է իրավասությունների շրջանակում և կատարել է մեծ գործ, եթե գտել է թշնամի:

Հավաստի մանրամասներ էին պետք, որպեսզի մարդիկ դրան հավատային, եթե այդ մանրամսները չկան, ապա մարդ կարող է իրեն իրավուք վերապահել, չհավատալ դրան և ասել, որ սա հայտարարվում է հերթական ինչ-որ աշխատանք ներկայացնելու համար: Ես իրավունք չունեմ չհավատալ, կամ հավատալ, քանի դեռ ԱԱԾ-ն նման պաշտոնական հայտարարություն չի արել, իսկ ով էլ այդ մասին հայտարարի, դրան չպետք է հավատ ընծայել, որովեհտև մենք պատերազմական դրության մեջ ենք և դա պետք է լիներ պաշտոնական հաղորդագրություն, ոչ թե ինձ հասած տվյալների մակարդակով:

Կարծում եմ՝ այստեղ մութ կետեր կան, որոնք պարզելը գոնե հանուն այն երիտասարդների, որոնք ռազմաճակատում են, հանուն այն ծնողների, պարտադիր է: Պետք է հայտարարությունները հավաստի լինեն, որ այստեղ ծնողները չմտածեն, թե իրենց զավակների թիկունքում այստեղ որոգայթներ են լարվում»:

Հարցազրույցը վարեց Էմմա Հովսեփյանը։