Ակցիա դատարանի դիմաց՝ ի աջակցություն Արսեն Բաբայանի․ ՈՒՂԻՂ

Երևանի ընդհանուր իրավասության դատարանի Կենտրոն և Նորք-Մարաշ նստավայրում ժամը 12։00-ին կհրապարակվի ԱԺ աշխատակազմի ղեկավարի նախկին տեղակալ Արսեն Բաբայանի նկատմամբ կալանավորումը որպես խափանման միջոց ընտրելու վերաբերյալ միջնորդության, ինչպես նաև Բաբայանին ձերբակալելու որոշման դեմ նրա պաշտպանների ներկայացրած բողոքի քննության վերաբերյալ դատարանի որոշումը։

Միաժամանակ դատարանի բակում ի աջակցություն Արսեն Բաբայանի ընթանում է ակցիա։

Հիշեցնենք, որ ՀՀ հատուկ քննչական ծառայությունում քննվող քրեական գործի շրջանակներում Արսեն Բաբայանին մեղադրանք է առաջադրվել ՀՀ քրեական օրենսգրքի 38-300-րդ հոդվածի 1-ին մասով և 314-րդ հոդվածի 1-ին մասով նախատեսված այն հանցավոր արարքների կատարման համար, որ նա, 2018 թվականին հանդիսանալով ՀՀ ազգային ժողովի աշխատակազմի ղեկավարի տեղակալի պաշտոնակատար, օժանդակել է մի խումբ պաշտոնատար անձանց կողմից ՀՀ Սահմանադրական դատարանի լիազորություններին տիրանալուն, ինչպես նաև կատարել է պաշտոնեական կեղծիք:

Բաբայանը ձերբակալվել է, նրա պաշտպանները բողոքարկել են ձերբակալության մասին որոշումը։

Առաջարկում ենք հետևել Yerevan.Today-ի ուղիղ հեռարձակմանը՝ դատարանի բակից