Հավաք-երթ՝ Ֆրանսիայի հրապարակից․ ՈւՂԻՂ

Ֆրանսիայի հրապարակից մեկնարկել է հավաք-երթ՝ ՌԴ արտգործնախարարի Հայաստան այցի կապակցությամբ։
Իշխան Սաղաթելյանը ֆեյսբուքյան էջում գրել էր․
«Սիրելի՛ հայրենակիցներ,
ՀԱՊԿ արտաքին գործերի նախարարների խորհրդի նիստին մասնակցելու նպատակով այսօր Հայաստան է ժամանել Ռուսաստանի Դաշնության արտաքին գործերի նախարար Սերգեյ Լավրովը:

Հայ ժողովուրդն արդեն ձևակերպել է սեփական օրակարգը, որն այսօր քննարկվում և պաշտպանվում է Հայաստանի փողոցներում ու հրապարակներում եւ ներկայացվում է միջազգային հանրությանը, այդ թվում՝ Հայաստան ժամանող միջազգային գործընկերներին։
Մեր ժողովրդի կենսական շահերից բխող առաջնահերթությունները որևէ կապ չունեն այն օրակարգի հետ, որով փակ դռների հետևում բանակցում են Հայաստանի իշխանություն ներկայացողները:

Ուստի վաղը` հունիսի 9-ին, ժամը 09:00-ին հավաքվում ենք Ֆրանսիայի հրապարակում, որպեսզի մեր ժողովրդի ձայնը հերթական անգամ լսելի դարձնենք և մեր ռազմավարական դաշնակցին տեղեկացնենք, որ իրենց հետ փակ դռների հետևում պարտվածի դիրքերից բանակցողը չի արտահայտում հայ ժողովրդի կամքը, ուստի մեր անունից որևէ գործընթաց իրականացնելու մանդատ չունի»:

Նշենք նաև, որ այսօր, ժամը 19։30 հանրահավաք տեղի կունենա Ֆրանսիայի հրապարակում:

Իրադարձություններին առաջարկում ենք հետևել ուղիղ հեռարձակմամբ։