Ինչ պատճառներով են ավանդները նվազել․ ներկայացնում է ԿԲ նախագահը

ԿԲ նախագահ Մարտին Գալստյանն այսօր ասել է, որ ավանդները որոշակի չափով նվազել են, սակայն դրանց  թիվը չի գերազանցել ընդհանուր ավանդների 1%-ը։

«Մարդիկ ու կազմակերպությունները որոշակիորեն, բայց ոչ էական չափով նվազեցրել են իրենց խնայողությունները բանկային համակարգում։ Խնդիրը պետք չէ դիտարկել այն տեսանկյունից, որ ավանդներն ինչ-որ խնդիրների պատճառով են դուրս եկել բանկային համակարգից։ Նվազումը, մեր գնահատականներով, տեղի է ունեցել մի քանի պատճառով. կորոնավիրուսի համավարակով ու ընդհանուր տնտեսական իրավիճակով պայմանավորված՝ տնային տնտեսությունների մոտ կա եկամուտի որոշակի նվազում ու մարդիկ այն կոմպենսացնում են նախկինում ձևավորած խնայողությունների հաշվին»,- ասել է ԿԲ նախագահը։

Ըստ Մարտին Գալստյանի՝ պատճառներից մեկն էլ այն է, որ առաջնագիծ գնացող քաղաքացիները նախընտրում են ավանդի գումարը կանխիկացնել ու թողնել տանը: