08 03 2022

Կինը չպետք է դառնա հասարակության որոշած խարանի զոհն ու ստիպված լինի ողջ կյանքում ապրել զրկանքներով. Թաթոյան

Մարդու իրավունքների նախկին պաշտպան Արման Թաթոյանը շնորհավորել է Կանանց միջազգային օրվա առթիվ։

«Սիրելի՛ կանայք, Ձեզ իրավունքները պետք է լինեն իրապես պաշտպանված, իսկ հնարավորությունները` հավասար ու արժանապատիվ: Դրանից մեր պետությունը միայն ամրանալու է:

Բայց այս նպատակի համար միայն «չոր» օրենքները և հետո այդ օրենքները կնոջ իրավունքների հարցում ամեն առիթով ճոճելը լուծում չեն:

Պետք է լինի այնպես, որ մարդիկ չունենան կարծրատիպեր կնոջ մասին, որ նրանք ձերբազատվեն թվացյալ վախերից:

Պետք է լինի այնպես, որ միշտ երջանկությամբ ընկալվի ու սպասելի լինի աղջիկ երեխայի ծնունդը, ու երեխայի լույս աշխարհ գալը երբեք չընդհատվի միայն այն պատճառով, որ աղջիկ է:

Պետք է բացառվի ընկալումը, թե աշխատանքում կնոջ հաջողակ լինելու չափանիշը նրա անձնական կյանքի հաշվին է, իսկ հասարակությունում էլ չպետք է լինեն վախեր ու կարծրատիպեր, որոնք կնոջ կյանքը կդրոշմեն խարանով` զրկելով նրան հաջողակ լինելու հնարավորությունից:

Կինը չպետք է դառնա հասարակության որոշած խարանի զոհն ու ստիպված լինի ողջ կյանքում ապրել զրկանքներով:

Կինը պետք է գնահատվի իր մասնագիտական գիտելիքներով ու արժանիքներով, ու կին լինելը չդիտարկվի որպես տղամարդուն կանխակալ ստորադասություն աշխատանքից հետ մնալու, լիարժեք չգնահատվելու, անձնական զրկանքներ կրելու ու մյուս հարցերում:

Պետք է բացառվի կնոջ հանդեպ հոգեբանական, ֆիզիկական կամ տնտեսական բռնությունը:

Հասարակական ու հատկապես քաղաքական-պետական կյանքում կնոջ ներգրավվածությունը պետք է համարել լուծված ոչ թե նրանով, որ բավարարված են օրենքների «չոր» տոկոսներ, այլ նրանով, թե որքան են գնահատված կանայք իրական կյանքում արհեստական ստորաբերումները բացառելու հաշվին: Կարծրատիպերից ու վախերից էլ պետք է առաջնահերթ զերծ լինի ինքը պետությունը, որ նպատակներին հասնելը դառնա դյուրին ու արագ:

Վերջապես, կանանց կյանքի հաջողության պատմությունները պետք է լինեն ոչ թե մեծագույն նվաճում, այլ վարակիչ օրինակ, կյանքի սովորական կանոն: Այս նպատակի համար ենք մենք 2016-2022թթ. արել լայնածավալ հանրային արշավներ #Դարձիր_օրինակ, #Դեմ_եմ_բռնությանը և այլ կարգախոսներով:

Ցավոք, բոլորս միասին անցանք համավարակի ճգնաժամով ու աղետաբեր պատերազմով, բայց դրանք ապացուցեցին` որքան բացառիկ է կնոջ նվիրումի արժեքը մարդու կյանքի փրկության, Հայրենիքի պաշտպանության ու մեր պետականության ամրության համար:

Սիրելի՛ կանայք,

Ձեր նվիրումի ու հոգատարության, ձեր էության վառ գույների շնորհիվ է աշխարհը փոխվում, դառնում ավելի բարի ու լցվում համբերությամբ:

Շնորհավորում եմ Մարտի 8-ը՝ կանանց միջազգային օրը», - նշված է շնորհավորանքում։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

ՄԻՊ | Արման Թաթոյան

Դիտել նաև

Քաղաքական 01 11 2024

Տպավորություն է, որ ՄԻՊ-ը հաշվետու է վարչապետին ու գործում է նրա թելադրանքի ներքո․ Ավետիսյան

Մենք հիշեցնում ենք ՄԻՊ-ին, որ ինքն անկախ գրասենյակ է, ծառայում է ոչ թե Նիկոլ Փաշինյանին, այլ՝ ՀՀ-ին․ կառավարման փորձագետ

Մամուլի տեսություն 24 10 2024

Կարեն Անդրեասյանը ՀՀ բարձրագույն ղեկավարության հետ հանդիպելու նպատակահարմարություն չի ունեցել․ «Ժողովուրդ»

Ինչո՞ւ Արման Թաթոյանին եւ Լարիսա Ալավերդյանին ՄԻՊ-ի 20-ամյակին չեն հրավիրել. որտե՞ղ էր Կարեն Անդրեասյանը

Հասարակություն 11 10 2024

Արցախի և ՀՀ-ի նախկին ՄԻՊ-երը Փարիզում ներկայացրել են ադրբեջանական հանցանքների ապացույցները

Փարիզի հայկական մշակույթի տանը տեղի է ունեցել հանդիպում Հայ համայնքի հետ

Հասարակություն 09 10 2024

Ներքին Հանդը 3 կողմից շրջափակված է ադրբեջանական 2 տասնյակից ավելի զինված դիրքերով. Արման Թաթոյան

Ադրբեջանն անցակցնում է շրջակա միջավայրին վերաբերող COP29 միջոցառումը, մինչդեռ հենց ինքն ավերում է Հայաստանի շրջակա միջավայրը

Մամուլի տեսություն 06 09 2024

ՄԻՊ-ն ու գլամուր իշխանական փարթիները․ «Հրապարակ»

Վերջերս Աննա Հակոբյանը Գլխավոր դատախազի ու ՄԻՊ-ի հետ ինչ-որ ճաշկերույթի էր

Քաղաքական 08 08 2024

ՄԻՊ-ը կատարել է իր «հիմնական գործառույթը»՝ արագ արձագանքման խումբ է ուղարկել

Հարցի հասցեատերը ես չեմ. Անահիտ Մանասյանը՝ ոստկանության կողմից բռնությունների մասին