Աշխատանքից ազատելու սպառնալիքով հրահանգել են Նիկոլի հավաքին ապահովել բուժանձնակազմի ներկայությունը

Այսօր ստացել եմ բազմաթիվ ահազանգեր եւ շատ հավաստի ինֆորմացիա, որ բոլոր մարզային բժշկական կազմակերպությունների տնօրեններին մարզպետարաններից զանգել են եւ աշխատանքից ազատելու սպառնալիքով հրահանգել վաղվա նիկոլի հավաքին ապահովել բուժանձնակազմի ներկայությունը: Այս մասին ֆեյսբուքյան իր էջում գրել է բժիշկ-վիրաբույժ, «Առողջապահական իրավունքի միջազգային կենտրոն»-ի ղեկավար Սամվել Սողոմոնյանը։

«Ձեզ նույնիսկ ասել են, թե հրապարակին հարակից որ տարածքը որ մարզին է հատկացված: Ձեզանից շատերին ճանաչում եմ անձամբ, հուսով եմ դուք էլ ինձ չեք մոռացել: Հորդորում եմ, որ վաղը բուժանձնակազմին որեւէ պարագայում Երեւան չտեղափոխեք: Այդ մարդիկ իրենց մարզերում կարեւոր գործ են անում՝ մարդ են բուժում, եւ նրանց կարիքը կարող է ցանկացած պահի առաջանալ: Եթե մտավախություն ունեք , որ Ձեզ այս առաջիկա 4 օրվա մեջ աշխատանքից կհեռացնեն, ապա գնացեք, Ձեր ներկան ստացեք ու հեռացեք հավաքի վայրից, բայց բուժաշխատողներին պարտադրաբար Երեւան մի հասցրեք: Վաղը ունենալու եմ հստակ ինֆորմացիա, թե որ տնօրենը չլսեց մեր հորդորները: Պատիվ ունենք, պիտի կրենք եւ միասին կառուցենք ուժեղ Հայաստան»,– գրել է Սամվել Սողոմոնյանը։