Վսյո տակի մի հատ նամակ գրեմ Սորոսին ու առաջարկեմ ռոբոտ կադրեր ընտրելուց առաջ լայն ու համապարփակ IQ թեսթ անցկացնել․ Նաիրա Զոհրաբյան

ԱԺ ԲՀԿ-ական պատգամավոր Նաիրա Զոհրաբյանը ֆեյսբուքյան իր էջում գրել է.

«Վսյո տակի նամակ եմ գրելու Սորոսին 

Հայաստանում  ներդրվել է Միասնական սոցիալական ծառայության ինստիտուտը եւ ահա մեկ ամսից ավելի է սոցիալական ոլորտում կատարյալ քաոս է։ Համակարգի հարյուրավոր աշխատակիցներ չգիտեն՝ իրենց հետ աշխատանքային պայմանագիր կնքելու են, թե՝ ոչ, իսկ համակարգի հարյուր հազարավոր շահառուներ՝ թոշակառուներ, նպաստառուներ, մի տեղեկանք ստանալու համար պիտի սպասեն մինչեւ աշխատանքի եւ սոցիալական հարցերի փոխնախարար սորոսական Աննա Ժամակոչյանը ավարտի իր հայտարարած քասթինգը  եւ որոշի՝ ո՞ւմ է պահում համակարգում, իսկ ում է հայտարարում հակահեղափոխական դիշովկա։

Երբ համակարգի տասնյակ աշխատակիցներ, սոցիալական ծառայության նախկին տնօրեններ ինձ պատմեցին, թե Սորոսի դրուժիննիկ այս տիկինն ի՞նչ գռեհիկ եւ ռաբիս քասթինգ է անցկացնում, ի՞նչ ապուշագույն հարցեր է տալիս տարիների փորձառություն ունեցող մասնագետների, ովքեր հրաշալի տիրապետում են այդ բարդագույն ոլորտին, մտածում ես՝ ինչի՞ են սորոսական բոլոր կադրերն այսքան  իրար նման ծեփված։ 

Եւ այսպես, անգամ «Միսս Տիեզերք» մրցույթը էնպիսի դաժան քասթինգ չի անցնում, ինչպես սոցապ սորոսական փոխնախարարը անցկացնում է համակարգի  նախկին աշխատողներին ու հարցերի ենթատեքստն էլ այն է, թե պարտա՞ստ են  ծառայել գործող իշխանությանը։ Ու երբ չեն գտնում անհրաժեշտ ծառաներ, նրանց թեթեւի մեջ հասկացնում են, որ իրենք այլեւս հին են եւ բարդագույն համակարգի տնօրեն են նշանակում, օրինակ, սամակատ քշողի, կամ՝ դարի հեղափոխության ժամանակ նիկոլականներին շաուրմա մատակարարողի։ 

Չէ, ես ակնհայտ հարգանք ունեմ հատկապես սամակատ քշողների հանդեպ՝ որպես առողջ ապրելակերպի մի մոդելի, բայց էսպես դաժանությամբ, տոտալ անգրագիտությամբ  քանդել ամենաբարդագույն համակարգն ու նստել ավերակների վրա, դա կարող էր անել միայն նիկոլական գվարդիան։ Քանդել ու հարյուր հազարավոր շահառուների թողնել սամակատ քշողների եւ համակարգից ոչինչ չկասկացողների հետ tet a tet, իսկ համակարգի լուրջ մասնագետներին «պեչատել» որպես հակահեղափոխականներ ու ուղարկել տուն։ 

Ու մի բան էլ՝ երբեք չի կարելի որոշում կայացնելու քվոտա տալ կասկածելի բարդույթներ ունեցող կանանց, քանզի սույն կոմպլեքսավոր սուբյեկտները  սկսում են իրենց չստացված կյանքի ամեն մի միլիմետրի համար վերժխնդիր լինել կայացած, գեղեցիկ ու պրոֆեսիոնալ մարդկանցից։

Չէ. վսյո տակի  մի հատ նամակ գրեմ Ջորջ Սորոսին ու առաջարկեմ  ռոբոտ կադրեր ընտրելուց առաջ  լայն ու համապարփակ IQ թեսթ  անցկացնել, որ այս կամ այն երկիրը քանդելուց,  բացի մանիպուլյացիաներից ու խարդավանքներից, էդ գործին մի քիչ էլ խելք խառնված լինի»։