Պատերազմը սկսելիս բավական մեծ թվով զոհեր ենք ունեցել զորանոցում․ զինվորները քնած են եղել․ Ղազինյան

Եղե՞լ է արդյոք երեք անգամ ռազմական հետախուզության կողմից պաշտոնական տեղեկացում պատերազմի սկսվելու օրվա ու ժամի վերաբերյալ, թե՞ ոչ: Քանի՞ անգամ է այդ մասին զեկուցվել Գլխավոր շտաբ, ապա՝ պետության քաղաքական ղեկավարությանը։ «Ազգային աղետ և վերածնունդ. իրավական բաղադրիչը» խորագրով խորհրդաժողովին  ասաց«Մեկ Հայաստան» կուսակցության հիմնադիր նախագահ, իրավաբանական գիտությունների թեկնածու Արթուր Ղազինյանը։

«Ի տարբերություն Հայաստանի, Արցախում մարտական թիվ մեկ վիճակը հանվել է շատ ավելի շուտ։ Սա պետք է ստուգվի վարույթն իրականացնող մարմնի կողմից։ Զորանոցներում են մնացել զինվորներ, իսկ զինամթերքը դուրս չի բերվել պահեստներից ու, ըստ առկա տեղեկատվության, ահռելի քանակությամբ զինամթերք ոչնչացվել է հենց պահեստներում պատերազմի առաջին մի քանի ժամվա ընթացքում ու բավական մեծ թվով զոհեր ենք ունեցել զորանոցներում, զինվորներն ուղղակի քնած են եղել. զինվորներին զորանոցում պահելը ռազմական առումով հանցագործություն է», - ասաց Ղազինյանը։

Մանրամասն՝ տեսանյութում։